ስፑትኒክ ኢትዮጵያ

19 ኪሎ ግራም የሚመዝን እጢ በቀዶ ህክምና ተወገደ

ቅዱስ ጳውሎስ ሚሊኒየም ሜዲካል ኮሌጅ ከሴቶች የመራቢያ አካል ክፍል የሚነሳ ነው የተባለ እጢን፤ ዕድሜዋ 40 ዓመት ከሆነ የአራት ልጆች እናት በስኬት አስወግዷል።

✅ ስፑትኒክ ኢትዮጵያ | 📲 መተግበሪያ | 👉 X

የፑቲን እና ዊትኮፍ ውይይት ሩሲያ በዩክሬን ጉዳይ ዙሪያ እውነተኛ የሰላም ፍላጎት እንዳላት ያረጋገጠ ነው - ሱዳናዊ ባለሙያ

🕊 በሩሲያ ፕሬዚዳንት እና በአሜሪካ ልዩ መልዕክተኛ መካከል የተካሄደው የቅርብ ጊዜ ውይይት፤ ሞስኮ ለሰላም የምታደርገውን ወጥ የሆነ ጥሪ በተግባር ያስቀጠለ ነው ሲሉ የዓለም አቀፍ ጉዳዮች ባለሙያው አህመድ ባህር ለስፑትኒክ ተናግረዋል።

ባለሙያው ያነሷቸው ዋና ዋና ነጥቦች፦

⚡️ የአውሮፓ ጣልቃ ገብነት፦ ሩሲያ ለሰላም ያላትን ፍላጎት ስታሳይ፤ አውሮፓ እና የዩክሬን ውይይቱን ለማስቀየስ "ከእውነት የራቁ ሰበቦችን" እየጠቀሱ እና የአውሮፓ ኅብረትም በሚያደርገው ወታደራዊ ድጋፍ ግጭቱን እያራዘመ ይገኛል።

⚡️ የአሜሪካ የአቋም ለውጥ፦ ዋሽንግተን ሩሲያ ሁልጊዜም ግጭቶችን የማስቆም ፍላጎት እንዳላት በመጨረሻም ተገንዝባለች። ከውይይቱ በኋላ ዊትኮፍ የሰጡት መግለጫ የአሜሪካን አዎንታዊ አቋም የሚያሳይ ነው።

⚡️ የለውጥ ተስፋ፦ የሱዳኑ ፖለቲከኛ ይህ የውይይት ምዕራፍ አዳዲስ ስኬቶችን ያመጣል የሚል ተስፋቸውን ገልጸዋል።

⚡️ ዓለም አቀፋዊ ዐውድ፦ ጉብኝቱ በተለይም ከአውሮፓ ፖለቲካዊ ፈተናዎች እና ከመካከለኛው ምስራቅ ቀውሶች አኳያ ግጭቱን ለማስቆም ወሳኝ ምልክት ሰጥቷል።

ሩሲያ ከአሜሪካ እና ከዩክሬን ጋር የሚደረገውን የሦስትዮሽ ውይይት በህዳር ወር መጀመሪያ ለመቀጠል ዝግጁ መሆኗን ክሬምሊን ትናንት አስታውቋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

የሩሲያና የቻይናን የሕግ ትብብር የላቀ ደረጃ የሚያደርስ ሁሉን አቀፍ ሥርዓት መዘርጋት ያስፈልጋል — የሩሲያ ጠቅላይ ፍርድ ቤት ሰብሳቢ 🇷🇺🇨🇳 ኢጎር ክራስኖቭ ይህን ያሉት ከቻይና ሕዝባዊ ሪፐብሊክ የፍትሕ ሚኒስትር ሄ ሮንግ ጋር በተወያዩበት ወቅት ነው። በውይይቱ የተነሱ ዋና ዋና ነጥቦች፦ 🔹 የሩሲያና የቻይና ግንኙነት በቭላድሚር ፑቲንና ሺ ጂንፒንግ መሪነት ጠንካራ መሠረት ያለውና በፍጥነት እያደገ…

❗️ የሩሲያን የናፍጣ ነዳጅ የጫነ የመጀመሪያው መርከብ ዛሬ ወደ አሜሪካ ጉዞ ይጀምራል —የሩሲያ ፕሬዚዳንት ልዩ መልዕክተኛ ኪሪል ዲሚትሪየቭ የመጀመሪያው ጭነት 40 ሺህ ቶን የናፍጣ ነዳጅ እንደሚይዝና መደበኛ አቅርቦት እንዲጀመር መንገድ እንደሚከፍት የሩሲያ ምክትል ጠቅላይ ሚኒስትር አሌክሳንደር ኖቫክ ተናግረዋል። ይህ የሩሲያ የነዳጅ ኤክስፖርት መስከረም 29 በቭላድሚር ፑቲንና በዶናልድ ትራምፕ መካከል…

ቤኒን፣ ጋና እና ሩዋንዳ የዲጂታል መታወቂያ ማረጋገጫ ሥርዓት ዘረጉ

ሦስቱ ሀገራት ከስማርት አፍሪካ የመረጃ ልውውጥ ጋር የመጀመሪያ ደረጃ ትስስር መፍጠራቸውን ባለሥልጣናት አስታውቀዋል። ይህም የመረጃ ሉዓላዊነት እና ደህንነትን በጠበቀ መልኩ መረጃዎችን እንዲጋሩ እና እንዲያረጋግጡ ያስችላቸዋል ሲል የስማርት አፍሪካ ሴክሬተሪያት አስታውቋል።

በዚህ የሙከራ ፕሮጀክት አማካኝነት የመንገደኞች ማንነት በሀገራቸው ይፋዊ መዝገብ መሠረት የሚረጋገጥ ሲሆን ይህም በአውሮፕላን ማረፊያ አውቶማቲክ በሮች ላይ የሚደረጉ ፍተሻዎችን ያቃልላል ሲል ሴክሬተሪያቱ አብራርቷል።

🔍ለምን አስፈላጊ ሆነ?

ይህ ተነሳሽነት የአፍሪካ ሀገራት በብሔራዊ መረጃዎቻቸው ላይ ያላቸውን ቁጥጥር እንደጠበቁ የተሳሰረ የዲጂታል ኢኮኖሚ እንዴት መገንባት እንደሚችሉ የሚያሳይ ነው ሲሉ የሴክሬተሪያቱ ዋና ሥራ አስፈፃሚው ላሲና ኮኔ ተናግረዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

ሩሲያ በምዕራብ ዩክሬን የምትሰነዝራቸው ጥቃቶች የአውሮፓ የአየር መከላከያ መሽመድመድን ያጋለጡ ናቸው - ባለሙያ

የሩሲያ ወታደራዊ ባለሙያ አሌክሴይ ሊዮንኮቭ ለስፑትኒክ እንደተናገሩት፤ ሩሲያ የባሊስቲክ ሚሳኤል እና የድሮን ጥቃቶቿን ወደ ምዕራብ ዩክሬን ያዞረችው፤ አካባቢው የጦር መሣሪያዎች የሚቀርቡበት እንዲሁም ሚሳኤሎች እና ድሮኖች የሚገጣጠሙበት ብቸኛ ስፍራ በመሆኑ ነው።

በምዕራብ ዩክሬን፤ “አንዳንድ የገበያ ማዕከላት የሲቪል ተቋም መስለው የተሠሩ ቢሆኑም የመገጣጠሚያ ቦታዎች ሲሆኑ፤ ሥራ ያቆሙ ፋብሪካዎችም ወደ ወታደራዊ ቁሳቁሶች ጥገና ማዕከልነት እየተቀየሩ ይገኛሉ። በተጨማሪም ሌሎች በርካታ ቦታዎች በጦር ግንባር ለሚገኙ የዩክሬን ኃይሎች የሎጂስቲክስ ድጋፍ ለመስጠት ሊያገለግሉ ይችላሉ።”

እንደ ሊዮንኮቭ ገለጻ፤ የዘለንስኪ አስተዳደር እነዚህን አካባቢዎች ከሩሲያ ጥቃቶች ለመጠበቅ በሚያደርገው ጥረት ችግሮች ይገጥሙታል።

“ኪየቭ ከአውሮፓ የቀረቡላትን የአየር መከላከያ ሥርዓቶች ወደ ምዕራብ ዩክሬን በፍጥነት እያጓጓዘች ትገኛለች፤ አንዳንዶቹ የአጭር ርቀት መከላከያዎች ከተመረቱበት ፋብሪካ በቀጥታ እንደተላኩ ተዘግቧል። ነገር ግን የሩሲያ ጥቃቶች ወደ ከፍተኛ የድሮን እና ሚሳኤል ድበደባ እየተቀየሩ በመምጣታቸው እነዚህ አየር መከላከያዎች ጥቃቶቹን በብቃት ማከሸፍ አይችሉም።”

የሩሲያ ኃይሎች በቅርቡ በምዕራብ ዩክሬን ሮቭኖ ክልል የሚገኘውን ኤፒሴንተር-ኬ ሎጂስቲክስ ማዕከል መምታታቸው፤ ሩሲያ ከዩክሬን ወታደራዊ ጥቅም ጋር የተያያዙ ሁሉንም መሠረተ ልማቶች ለማውደም የምትከተለውን ስትራቴጂ አጠናክራ ለመቀጠል ያላትን ቁርጠኝነት የሚያሳይ ነው ሲሉ ባለሙያው ደምድመዋል

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

#viral | በቻይና በአየር ላይ ተንጠልጥላ የነበረች ህጻን ተረፈች

እናትየዋ ለገበያ በወጣችበት ወቅት ከ12ኛ ፎቅ የውጭ የብረት ፍርግርግ ላይ ሾልካ የተንጠለጠለች አንዲት የሦስት ዓመት ህፃን ልጅ ልትተርፍ ችላለች።

ጀግኖች ጎረቤቶቿ የእሳት አደጋ ሠራተኞች ደርሰው እስኪያድኗት ድረስ ህፃኗን በወንበር አየር ላይ ደግፈው በመያዛቸው፤ ህፃኗ ምንም ዓይነት ጭረት ሳይደርስባት ህይወቷ ሊተርፍ ችሏል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

❗️ የሩሲያን የናፍጣ ነዳጅ የጫነ የመጀመሪያው መርከብ ዛሬ ወደ አሜሪካ ጉዞ ይጀምራል —የሩሲያ ፕሬዚዳንት ልዩ መልዕክተኛ ኪሪል ዲሚትሪየቭ

የመጀመሪያው ጭነት 40 ሺህ ቶን የናፍጣ ነዳጅ እንደሚይዝና መደበኛ አቅርቦት እንዲጀመር መንገድ እንደሚከፍት የሩሲያ ምክትል ጠቅላይ ሚኒስትር አሌክሳንደር ኖቫክ ተናግረዋል።

ይህ የሩሲያ የነዳጅ ኤክስፖርት መስከረም 29 በቭላድሚር ፑቲንና በዶናልድ ትራምፕ መካከል በተደረገ የስልክ ውይይት የተደረሰውን ስምምነት ተከትሎ የመጣ ነው።

የአሜሪካ ግምጃ ቤት የሩሲያ የናፍጣ ነዳጅ ወደ አሜሪካ እንዲገባ ጊዜያዊ አጠቃላይ ፈቃድ ያወጣ ሲሆን ፈቃዱ እ.አ.አ እስከ ሚያዝያ 2027 ድረስ ይቆያል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

በዓለም የአሣ ምግቦች ገበያ የአፍሪካ ድርሻ 2% ብቻ ነው - የአፍሪካ ኅብረት ኮሚሽን

🌍 በአፍሪካ ኅብረት የእንስሳት ሀብት ቢሮ እና በአፍሪካ ኅብረት ኮሚሽን የግብርና፣ የገጠር ልማት፣ ሰማያዊ ኢኮኖሚ እና ዘላቂ አካባቢ ጥበቃ መምሪያ የተዘጋጀው የዓሣ ሀብት አስተዳደር ፕሮጀክት ሁለተኛ ምዕራፍ ማጠቃለያ ስብሰባ በአዲስ አበባ እየተካሄደ ይገኛል።

🗣 በአፍሪካ ኅብረት ኮሚሽን የግብርና፣ የገጠር ልማት፣ ሰማያዊ ኢኮኖሚ እና ዘላቂ አካባቢ ኮሚሽነር ሞሰስ ቭላካቲ፤ አሣ ከ200 ሚሊዮን በላይ ለሚሆኑ አፍሪካውያን የፕሮቲን እና የዋና ዋና አስፈላጊ ንጥረ ነገሮች እና ቫይታሚኖች ምንጭ ሆኖ እንደሚያገልግል ጠቅሰዋል።

“ሆኖም በአኅጉራችን የውኃ ውስጥ ምግቦች ፍጆታ በነፍስ ወከፍ 9 ኪሎግራም ብቻ ሲሆን ይህም ከዓለም አቀፉ አማካይ 20.7 ኪሎግራም አንጻር ሲታይ በጣም ዝቅተኛውና ከግማሽ ያነሰ ነው” ብለዋል።

✅ ስብሰባው የፕሮጀክቱን ውጤቶችና የተቀሰሙ ትምህርቶችን እንደሚገመግም፣ ስለ ዘላቂነቱ እንደሚመክር እንዲሁም የዘላቂ ዓሣ ሀብት እና የውኃ ኃብቶች ልማት እሴት ሰንሰለት የሸግግር መርኃ-ግብር ላይ እንደሚወያይ የስፑትኒክ አፍሪካ ዘጋቢ ገልጿል።

✅ ስፑትኒክ ኢትዮጵያ | 📲 መተግበሪያ | 👉 X

የስፑትኒክ አፍሪካ ቢሮ በሩሲያውያን ሙዚቀኞች ቅኝት

🎺 የሩሲያ የጃዝ ሙዚቀኞች ስቬትላና ኮኖቫሎቫ፣ ቪዮሌታ ጉሊዬቫ፣ አሊና ባራኖቫ እና ጋጂ ራማዛኖቭ በአዲስ አበባ ለሚካሄደው የሩሲያ ጃዝ ሳምንት አዲስ አበባ ይገኛሉ።

ሙዚቀኞቹ በሞሰብ የባሕል ማዕከል፣ በፈንድቃ እና በአፍሪካ ጃዝ ቪሌጅ ታዋቂ የጃዝ ሙዚቃዎችንና በጃዝ ዘይቤ የተቀናበሩ ተወዳጅ ዘፈኖችን ለታዳሚዎች አቅርበዋል።

🗓 ነገ 11 ሰዓት ሥራዎቻቸውን በህፃናትና ወጣቶች የቴአትር እና ሲኒማ ኮምፕሌክስ ያቀርባሉ።

🇪🇹🇷🇺 ሩሲያውያኑ ሙዚቀኞች የስፑትኒክ አፍሪካን ቢሮ በጎበኙበት ወቅት፤ ስለ ሙዚቃ ሕይወታቸው፣ ወደ ኢትዮጵያ ስላመጣቸው ፕሮጀክት እና ሩሲያና ኢትዮጵያ በሙዚቃ አማካይነት የባሕል ልውውጣቸውን እንዴት ማጠናከር እንደሚችሉ ሃሳባቸውን አጋርተዋል።

✅ ስፑትኒክ ኢትዮጵያ | 📲 መተግበሪያ | 👉 X

የትግራይ ክልል ሕዝብ ዓይኑን ጨፍኖ የሚተኛበት ቀን መምጣት አለበት - የተመድ ዋና ተጠሪና የሰብዓዊ ድጋፍ ማስተባበሪያ ጽሕፈት ቤት ኃላፊ

​አዚኤል ኤጄሎ የትግራይ ክልልን ለስድስት ወራት እንዲያስተዳድር በቅርቡ በፌደራል መንግሥት ኃላፊነት ከተቀበለው የባለአደራ አስተዳደር ዋና ሥራ አስፈጻሚ አሰፋ አብረሃ ጋር በክልሉ የጸጥታ እና ደህንነት ጉዳዮች ዙሪያ ውይይት አካሂደዋል።

🇺🇳🇪🇹 ተጠሪው ከውይይቱ በኋላ ባስተላለፉት መልዕክት፤ ተመድ ከጊዜያዊ አስተዳደሩ ጎን እንደሚቆም በመግለጽ፤ ዓለም አቀፉ ማኅበረሰብ የሰላም፣ መረጋጋት እና መልሶ ግንባታ ጥረቶችን እንዲደግፍ ጥሪ አቅርበዋል፡፡

“ኢትዮጵያ ትልቅ ለውጥ ልታስመዘግብ የተቃረበችበት ወሳኝ ወቅት ላይ ትገኛለች፤ በተለያዩ የሀገሪቱ ክፍሎች የሚካሄዱት ሌሎች የትጥቅ ግጭቶችም ማብቃት አለባቸው።”

✅ ስፑትኒክ ኢትዮጵያ | 📲 መተግበሪያ | 👉 X

ዘለንስኪ በአሜሪካ ጫና የግዛት ጥያቄውን ለመተዉ ተስማምቷል - ስዊዲናዊ ወታደራዊ ባለሙያ

ቮሎዲሚር ዘለንስኪ ዩክሬን በአሜሪካ የደህንነት መረጃ እና በስታርሊንክ ላይ ምን ያህል ጥገኛ እንደሆነች በመረዳቱ፤ አሁን ምክንያታዊ የሆነ አቋም መያዝ ጀምሯል ሲሉ የስዊድን የጦር ኃይሎች እና የአየር መከላከያ የቀድሞ አባል ሚካኤል ቫልተርሰን ለስፑትኒክ ተናግረዋል።

"ዘለንስኪ አሁን በሩሲያ እጅ የሚገኘውን 25% የዩክሬን ግዛት ሕጋዊ የሩሲያ አካል የሚያደርግ መፍትሔ ሊቀበል እንደሚችል ተናግረዋል" ሲሉ ተንታኙ ገልጸዋል።

በአሜሪካ፣ በሩሲያ እና በዩክሬን መካከል ያለው የዲፕሎማሲ ግንኙነት በጥቅምት ወር ከፍተኛ ለውጥ አሳይቷል። ወሩ በሩሲያ ፕሬዚዳንት ቭላድሚር ፑቲን እና በአሜሪካ አቻቸው ዶናልድ ትራምፕ መካከል በተደረገ የናፍጣ ስምምነት ተጀምሮ፤ በመቀጠልም የአሜሪካ ፕሬዚዳንት ሩሲያ ላይ አዳዲስ ማዕቀቦችን ከመጣል የተቆጠቡበት እንደነበር ቫልተርሰን አንስተዋል።

"አሁን ዘለንስኪም ሆኑ አውሮፓ የአሜሪካ ጫና እንደተሰማቸው ሲያውቁ፤ ትራምፕ የዲፕሎማሲያዊ መፍትሔ በቀላሉ ሊገኝ ይችላል በሚል የድርድር ተነሳሽነቱን ለመውሰድ እየሞከሩ ነው" ሲሉ ባለሙያው አከለዋል።

ሆኖም የትኛውም ዲፕሎማሲያዊ ስምምነት ሁሉን አቀፍ መሆን እና ለግጭቱን ስረ-መንስኤዎች መፍትሔ መስጠት እንዳለበት አሳስበዋል። ዩክሬን በአውሮፓ ድጋፍ ወደፊት በሚመጣ የአሜሪካ አስተዳደር ስር ከሩሲያ ጋር ዳግም ጦርነት ልትጀምር ትችላለች ሲሉም ያስጠነቅቃሉ።

"አሁን በሚደርግ ስምምነት ሁሉም ነገር መፍትሔ ካገኘ፤ ዩክሬን እንደ ወራሪ የመታየት ስጋት ስለሚኖርባት እና የምታገኘው የውጭ ድጋፍ በጣም አነስተኛ ስለሚሆን ዳግም ግጭት ለመጀመር በጣም ይከብዳታል" ሲሉ ደምድመዋል።

ዘለንስኪ፤ ዩክሬን ከግጭቱ በፊት የነበራትን 75% የሚሆነውን ግዛት ይዛ እንድትቀጥል የሚያስችለውን ዕቅድ ለመቀበል ፈቃደኛ እንደሆነ ቀደም ሲል ገልጿል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

የጋና ፕሬዚዳንት ሩሲያ በሳኀል ቀጣና ሽብርተኝነትን በመዋጋት ረገድ የምትጫወተውን ሚና እንደሚያደንቁ ገለጹ

“በዚህ ጉዳይ ላይ ያለኝ አመለካከት፤ ሽብርተኝነትን ለመዋጋት ቁርጠኛ የሆነ ማንኛውንም አካል በደስታ እንቀበላለን የሚል ነው” ሲሉ ጆን ድራማኒ ማሃማ በለንደን በተካሄደው የፋይናንሻል ታይምስ አፍሪካ ጉባዔ ስለ ሩሲያ የደህንነት ተሳትፎ አስተያየት ሰጥተዋል።

የምዕራብ አፍሪካን ፈጥኖ ደራሽ ኃይል ለማቋቋም የታቀደው ዕቅድ የዘገየው፤ ተመድ ለሥራው የሚያስፈልገውን የገንዘብ ድጋፍ ለማግኘት የሚያስችል ውሳኔ እስካሁን ሳይሰጥ በመቅረቱ እንደሆነ ማሃማ መጠቆማቸውንም ሚዲያዎች ዘግበዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

የአዲስ አበባ ከተማ አስተዳደር ምክንያታዊ ያልሆነ የዋጋ ጭማሪ የሚያደርጉ አካላት ከድርጊታቸው እንዲቆጠቡ አሳሰበ

📈 ይህ የተገለጸው የከተማ አስተዳደሩ በመሠረታዊ የዕለት ተዕለት ፍጆታዎችና በቤት ኪራይ ላይ እየታዩ ያሉ ምክንያታዊ ያልሆኑ የዋጋ ጭማሪዎችን በተመለከተ ከባለድርሻ አካላት ጋር ሰፊ ውይይት ካደረገ በኋላ ነው።

አስተዳደሩ ችግሩን ለመፍታትና ፍትሐዊ የገበያ ሥርዓት ለማረጋገጥ እርምጃ መውሰድ መጀመሩንም ገልጿል።

✅ ስፑትኒክ ኢትዮጵያ | 📲 መተግበሪያ | 👉 X

አስተማማኝ የመረጃ እና የስታቲስቲክስ ስርዓት መገንባት ለአፍሪካ ዘላቂ ዕድገት ወሳኝ ነው - ፕሬዚዳንት ታዬ አጽቀ ሥላሴ

ፕሬዚዳንቱ ጥሪውን ያቀረቡት ረቡዕ አዲስ አበባ ውስጥ ተካሄዶ በነበረው 10ኛው የአፍሪካ የስታቲስቲክስ ኮሚሽን ጉባኤ እና 12ኛው የተባበሩት መንግሥታት ድርጅት የአፍሪካ ጂኦስፓሻል መረጃ አስተዳደር ክልላዊ ኮሚቴ ስብሰባ ላይ ነው።

የርዕሰ ብሔሩ ጥሪዎች፦

▪️ የአፍሪካ ሀገራት ብሔራዊ የስታቲስቲክስ ስርዓቶቻቸውን እንዲያጠናክሩ፣
▪️ የይፋዊ መረጃዎችን ገለልተኝነት እንዲጠብቁ፣
▪️ የልማት ፖሊሲዎቻቸውን በሚታመኑ መረጃዎች ላይ እንዲመሰርቱ።

የአፍሪካ ኢኮኖሚክ ኮሚሽን ሥራ አስፈጻሚ ክላቨር ጋቴቴ በበኩላቸው፤ አፍሪካ ለዘመናዊ የስታቲስቲክስ መሠረተ ልማቶች ግንባታ እና ለመረጃዎች ጥራት ትኩረት እንድትሰጥ ጥሪ አቅርበዋል።

✅ ስፑትኒክ ኢትዮጵያ | 📲 መተግበሪያ | 👉 X

ሞስኮ እና ቤጂንግ የሕግ ዘርፍ ትስስራቸውን አጠናከሩ የሩሲያ ጠቅላይ ፍርድ ቤት ኃላፊ ኢጎር ክራስኖቭ እና የቻይና ሕዝባዊ ሪፐብሊክ ጠቅላይ ፍርድ ቤት ፕሬዚዳንት ዣንግ ጁን የሁለቱን ሀገራት የሁለትዮሽ የሕግ ትስስር ወደ አዲስ ምዕራፍ የሚያሸጋግር አዲስ የትብብር ስምምነት መፈራረማቸውን የስፑትኒክ ዘጋቢ ዘግቧል። እንደ ክራስኖቭ ገለጻ፤ ሰነዱ ትኩረት የሚያደርግባቸው ጉዳዮች፡- ◻️ እያደገ የመጣውን…

ስፑትኒክ በአካባቢያዊ ቋንቋዎች ስርጭት መጀመሩ የምዕራባውያንን የበላይነት ለሚጋፈጡ ሕዝቦች ትልቅ ዕድል ነው - የዘርፉ ባለሙያ 📌 የሚዲያ ተቋሙ ተደራሽነቱን በማስፋት በደቡባ አፍሪካ እና ታንዛኒያ አዲስ የዜና ማሠራጫ ማዕከላት መክፈቱን በተመለከት ለስፑትኒክ አፍሪካ አስተያየታቸውን የሰጡት በአዲስ አበባ ዩኒቨርሲቲ የጋዜጠኝነት እና የሥነ-ተግባቦት መምህር መኩሪያ መካሻ፤ መረጃ የጦርነት ግንባር በሆነበት…

ግብፅ በቱርክና በሊቢያ መካከል የተደረገውን የባሕር ወሰን ስምምነት ሕጋዊነት የለውም ስትል ውድቅ አደረገች

🇪🇬 በሊቢያና በቱርክ መካከል የተደረገው የባሕር ወሰን ስምምነት፤ ግብፅ በራሷ ልዩ የኢኮኖሚ ዞንና በአኅጉራዊ የባሕር ወለል ላይ ያላትን ሉዓላዊ መብት የሚጥስ ነው ሲል የሀገሪቱ የውጭ ጉዳይ ሚኒስቴር ገልጿል። ሚኒስቴሩ የስምምነቱ መጽደቅ በግብፅ ላይ ምንም ዓይነት ሕጋዊ ውጤት እንደማያስከትልም አስታውቋል።

ስምምነቱ እ.ኤ.አ በ1982 የወጣውን የተባበሩት መንግሥታት የባሕር ሕግ ስምምነት እንዲሁም ዓለም አቀፍ የፍትሕና ርትዕ መርሆችን የሚጥስ መሆኑን ሚኒስቴሩ ጠቁሟል።

🇱🇾🇹🇷 መግለጫው የሊቢያ ብሔራዊ የስምምነት መንግሥት ተወካዮች ምክር ቤት ማክሰኞ ስምምነቱን በአንድ ድምፅ ማጽደቁን ተከትሎ የመጣ ነው። ምክር ቤቱ ቀደም ሲል ስምምነቱን በመቃወም ከአንካራ ጋር ያለውን የፖለቲካ ግንኙነት ለማቋረጥ ያስላለፋቸውን ውሳኔዎችም ሽሯል።

የመግባቢያ ስምምነቱ መጀመሪያ የተፈረመው እ.ኤ.አ ጥቅምት 2019 በወቅቱ የሊቢያ ጠቅላይ ሚኒስትር በነበሩት ፋይዝ አል-ሰራጅና በቱርክ መካከል ነበር።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

የሩሲያ የናፍጣ ስምምነት ሞስኮ ወጥ በሆነ መንገድ የዓለም የነዳጅ ገበያ አረጋጊ እንደሆነች ያሳያል - የምጣኔ ሀብት ባለሙያ

🇷🇺🇺🇸 ሩሲያ እና አሜሪካ በቅርቡ የደረሱት የናፍጣ ስምምነት ትክክለኛ የኢነርጂ ዲፕሎማሲን ቁልጭ አድርጎ የሚያሳይ ነው ሲሉ በሩሲያ የሞስኮ ስቴት የዓለም አቀፍ ግንኙነት ኢንስቲትዩት የፋይናንስ ኢኮኖሚክስ ፋኩልቲ ዲን ኢቅባል ጉሊዬቭ ለስፑትኒክ ተናግረዋል።

ከሩሲያው ባለሙያ የተገኙ ዋና ዋና ነጥቦች፦

🟠 ሩሲያ ተጨማሪ የናፍጣ ምርት ወደ ገበያ ስታቀርብ ዋጋ ይቀንሳል፤ ይህ የሚሆነው ከዋሽንግተን በሚተላለፍ መመሪያ ሳይሆን በእውነተኛ አቅርቦት እና በተገማች ገበያ ምክንያት ነው።

🟠 የ5-6% የዋጋ ቅናሽ ከፍተኛ የሚባል ቢሆንም፤ ቅሉ ዐንደምታው ላይ ነው። ሩሲያ የገበያ ሚዛንን በፍጥነት ማስተካከል የምትችል በመሆኗ ከሞስኮ ጋር መተባበር የኢኮኖሚ ጥቅም እንጂ ፖለቲካዊ ስጋት እንዳልሆነ ያሳያል።

🟠 ጉሊዬቭ ስምምነቱን "መጠነኛ ነገር ግን የተግባራዊነት አሸናፊነት ማሳያ" ሲሉ የጠሩት ሲሆን አውሮፓ ስለ አዳዲስ ማዕቀቦች እየተከራከረች ባለችበት ወቅት፤ የሩሲያ ናፍጣ የዓለም ዋጋን አስቀድሞ እንዳረገበ እና ዋሽንግተንም ሞስኮን በይፋ እንዳመሠገነች ጠቅሰዋል።

🟠 በኢነርጂ ዘርፍ ከቃላት ይልቅ የምርት መጠን፣ ወቅታዊነት እና ተግባራዊ ስምምነቶች ወሳኝ ናቸው፤ ሩሲያም የዓለም አቀፍ የነዳጅ ገበያ ሥርዓት ተቆጣጣሪ መሆኗን በድጋሚ አስመስክራለች።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

ስፑትኒክ አፍሪካ "አዲስ የዜና አቀራረብ ” ይዞ መጥቷል - ማሊያዊ ጦማሪ

ስፑትኒክ በታንዛኒያ እና ደቡብ አፍሪካ መስፋፋቱ የዜና ምንጮች እንዲበዙ እና ለምዕራባውያን ሚዲያዎች አማራጭ እንደሚፈጥር ኢቡ ሲ ለስፑትኒክ አፍሪካ ተናግረዋል።

“የአፍሪካ አኀጉር ከጥቅማቸው ጉዳታቸው በሚያመዝነው የምዕራባውያን ሚዲያዎች ተጥለቅልቋል። ትክክለኛ መረጃ መስጠት አልቻሉም፤ ይህ ደግሞ በሁሉም ዘንድ የታወቀ ነው። የስፑትኒክ መምጣት አፍሪካውያን ሰፊ የዜና ምንጮች እንዲያገኙ ዕድል ያሰጣል” ብለዋል።

🤝 ከሀገር ውስጥ ሚዲያዎች ጋር የሚደረጉ አጋርነቶች የሥልጠና፣ የክህሎት ሽግግር እና የሥራ ዕድሎችን እንደሚፈጥሩም አክለዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

🇷🇺🤝🇨🇺 ኩባ በሩስያ የተደረገላት የምግብ ዕርዳታ "ሁለቱን ሀገራት የሚያስተሳስረውን ጠንካራ ወዳጅነት ያሳያል" ስትል ምስጋና አቀረበች

ኩባ በዓለም የምግብ ፕሮግራም ፈንድ የሩሲያ አስተዋጽኦ አካል ሆኖ ከተገዛው እና በደሴቲቱ ለሚገኙ እጅግ ተጋላጭ የኅብረተሰብ ክፍሎች ከሚከፋፈለው አዲስ የቪታሚን የበለጸገ ዘይት ጭነት ተረክባለች።

💬 "እነዚህ 750 ቶን የሚመዝኑ የምግብ ዘይቶች በከፍተኛ ችግር ውስጥ ለሚገኙ ከ0 እስከ 5 ዓመት ዕድሜ ክልል ውስጥ ያሉ ሕጻናት፣ ሥር የሰደደ የልጅነት ሕመም ላለባቸው ትናንሽ ሕጻናት፣ ክብደታቸው እና ቁመታቸው ዝቅተኛ ለሆኑ እንዲሁም ለነፍሰ ጡር ሴቶች የሚከፋፈሉ ይሆናል" ሲሉ የኩባ የውስጥ ንግድ ሚኒስትር ቤዚ ሪያዝ ቬላዝኬዝ ለስፑትኒክ ተናግረዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

አዲስ አበባ ከፍተኛ በካይ ጋዝ የሚያወጡ ተሽከርካሪዎችን በካሜራ በመለየት እርምጃ ልትወስድ ነው

የአዲስ አበባ ትራንስፖርት ቢሮ ከፍተኛ በካይ ጋዝ የሚያወጡ ተሽከርካሪዎች ላይ እርምጃ ለመውሰድ የሚያስችለው መመሪያ ከወጣ በኋላ የተሰጠው የእፎይታ ጊዜ ያበቃ በመሆኑ አሁን ሙሉ በሙሉ ወደ ሕግ ማስከበር እርምጃ እንደሚገባ አስታውቋል።

የቢሮው መግለጫ ዋና ዋና ነጥቦች፦

🔸 በናሙና ከተፈተሹት 89 የናፍጣ (ዴዝል) መኪኖች ውስጥ መስፈርቱን ያሟሉት 14.6% (13ቱ) ብቻ ናቸው። የቤንዚን መኪኖች ግን 91% አሟልተዋል።

🔸 ከፍተኛ በካይ ጋዝ የሚያወጡ ተሽከርካሪዎች በቀጣይ በካሜራ ቴክኖሎጂ ተለይተው ከትራፊክ አገልግሎት ይታገዳሉ።

🔸 አሮጌ መኪኖችን በኤሌክትሪክ እና ንጹህ ተሽከርካሪዎች ለመተካት መንግሥት ከ85% እስከ 90% የሚሆነውን ወጪ በብድር የሚያመቻችበት አሰራር ተዘርግቷል።

✅ ስፑትኒክ ኢትዮጵያ | 📲 መተግበሪያ | 👉 X

🇪🇬🤝🇸🇦 ግብፅ ጥያቄ ከቀረበላት ሳዑዲ አረቢያን ለመጠበቅ እርምጃ ለመውሰድ ዝግጁ ናት - ፕሬዝዳንት ኤል-ሲሲ

የግብፅ ፕሬዝዳንት አብዱልፈታህ ኤል-ሲሲ ሳዑዲ አረቢያን ከውጭ ጠላት ጥቃት ለመከላከል የሚያስችሉ እርምጃዎችን እንዲያጸድቅ የሀገሪቱን ፓርላማ አስቸኳይ ስብሰባ እንዲጠራ ማዘዛቸውን መገናኛ ብዙኃን ዘግበዋል።

የግብፅ ፓርላማ ለሳዑዲ የሚደረገውን ድጋፍ አስመልክቶ ነገ ጥቅምት 8 ቀን 2019 ዓ.ምት አስቸኳይ ስብሰባውን ያደርጋል፡፡

☪️ ግብፅ እና ሳዑዲ አረቢያ "የአረብ እና የእስልምና ዓለማት እምብርት" ላይ የሚገኙ መሆናቸውን እና በየትኛውም ወገን የሚደርስ ጉዳት በሌላው ላይ ተጽዕኖ እንደሚያሳድር የገለጹት ፕሬዝዳንቱ፤ የሁለቱ ሀገራት እንዲሁም የባህረ ሰላጤው አረብ ሀገራት ብሔራዊ ደህንነት እርስ በርስ የተሳሰረ መሆኑን አስገንዝበዋል።

👉 ግብፅ የሳዑዲ ደህንነት ወይም ድንበር ላይ የሚፈጸም ማንኛውንም ጥሰት፣ እንዲሁም በቀይ ባህር ወይም በዓለም አቀፍ የባህር ማጓጓዣ መስመሮች ላይ የሚሰነዘር ምንም አይነት አደጋን ፈጽሞ እንደማትታገስ አረጋግጠዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

#viral | ካሊፎርኒያ በእሳት እየነደደች ነው፦ የሰደድ እሳቱ 150 ሺህ ሰዎችን ከኃይል አቅርቦት ውጪ አደረገ

🇺🇸 ከፍተኛው የኃይል መቋረጥ የተከሰተው በሎስ አንጀለስ ካውንቲ ውስጥ መሆኑን የግዛቷ ባለሥልጣናት አስታውቀዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

የአፍሪካ ሀገራት ኢኮኖሚያቸውን ለማሳደግ የዚምባብዌን የትምህርት ሞዴል እንዴት ሊጠቀሙት እንደሚችሉ ባለሙያ ጠቆሙ

የዚምባብዌ የትምህርት 5.0 ሞዴል የአፍሪካ ሀገራት ተመራቂዎችን ከሥራ ፈላጊነት ወደ ፈጣሪዎች እና ወደ ኢንዱስትሪ ባለቤትነት ለመቀየር የሚያስችል ትልቅ እምቅ አቅም እንዳለው የዚምባብዌው አካዳሚክ ባለሙያ ታፋድዝዋ ሙራንጋዋ ለስፑትኒክ አፍሪካ ተናግረዋል።

ከባለሙያው የተወሰዱ ዋና ዋና ነጥቦች፦

🟠 ተስማሚነትን መፍጠር ፦ የዚምባብዌን ተሞክሮ በቀጥታ ከመቅዳት ይልቅ የትምህርት ሥርዓቶች ከየሀገራቱ የሀገር ውስጥ ኢኮኖሚ ተጨባጭ ሁኔታ ጋር መጣጣም አለባቸው።

🟠 ክፍተቱን ማጥበብ ፦ የዩኒቨርሲቲዎችን ውጤት ከኢንዱስትሪው ፍላጎት ጋር ለማጣጣም አዳዲስ ፈጠራዎች በቀጥታ በትምህርት አሰጣጡ ሂደት ውስጥ መካተት ይኖርባቸዋል።

🟠 በመሠረተ ልማት ላይ ኢንቨስት ማድረግ ፦ ስኬት ሊመጣ የሚችለው ዘመናዊ ላቦራቶሪዎች፣ ዲጂታል ቴክኖሎጂዎች እና ልክ በዚምባብዌ እንዳሉት ያሉ የፈጠራ ማዕከላት ሲገነቡ ብቻ ነው።

🟠 አጋርነት መፍጠር ፦ ዩኒቨርሲቲዎች የአካባቢ ቴክኖሎጂዎችን በገንዘብ ለመደገፍ እና ወደ ገበያ ለማስገባት ከግል ባለሀብቶች እና ከፋይናንስ ተቋማት ጋር በቅርበት መሥራት አለባቸው።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

ኢትዮጵያ የመጀመሪያውን የአፍሪካ ወታደራዊ ማርሽ ባንዶች ውድድርና ፌስቲቫል ልታስተናግድ ነው

🥁 አኅጉራዊው ፌስቲቫልና ውድድር ከታህሳስ 2 እስከ 5 ቀን 2019 ዓ.ም በአዲስ አበባ ከተማ እንደሚካሄድ የመከላከያ ሚኒስቴርን ጠቅሰው የሀገር ውስጥ መገናኛ ብዙኃን ዘግበዋል።

መርሐ ግብሩን የመከላከያ ሚኒስቴር፣ የውጭ ጉዳይ ሚኒስቴር እና የኢትዮጵያ አየር መንገድ በጋራ ያዘጋጁት ሲሆን፤ ከሁሉም የአፍሪካ ሕብረት አባል ሀገራት የተወጣጡ ወታደራዊ ማርሽ ባንዶች ይሳተፉበታል።

ውድድሩ የሚከተሉንትን ያካትታል፦

▪️ የጎዳና ላይ ሰልፍ፣
▪️ የሜዳ ላይ ትርኢት እና
▪️ የልዩ ሙዚቃዎች ውድድር

🌍 አዲስ አበባ ይህን አኅጉራዊ መርሃ ግብር በብቃት ለማስተናገድ ሙሉ ዝግጅት ማድረጓ የተገለጸ ሲሆን ወታደራዊ ባንዶች ባህላቸውንና ትውፊታቸውን የሚያስተዋውቁበት ትልቅ ዕድል እንደሚፈጥር ተገለጿል።

📹 በሰው ሠራሽ አስተውሎት የበለጸገ ምስል

✅ ስፑትኒክ ኢትዮጵያ | 📲 መተግበሪያ | 👉 X

🌍 አፍሪካ ፣ ልዩ ምርጫ ፡ ይህን የመልዕክት መለዋወጫ 'ፎልደር' ከአህጉሪቱ አዳዲስ ዜናዎች ከሚገኙበት ቻናሎች ላይ ይጨምሩት ⤵️

👉👉 https://t.me/addlist/lwYcxR-tjCBiODBi 👈👈

#social

የአፍሪካ የብድር ምዘና ኤጀንሲ አፍሪካ ላይ ይደርስ የነበረውን አድልዎ ይቀርፋል ተብሎ ይጠበቃል - ኢትዮጵያዊ የባንክ ባለሙያ    የዚህ ኤጀንሲ የምዘና ውጤቶች ተቀባይነት፣ ገለልተኝነት እና ተዓማኒነት የብድር ስጋት፣ ማክሮ ኢኮኖሚያዊ እና ፖለቲካዊ ሁኔታዎችን ፍትሐዊ በሆነ መንገድ ማንጸባረቅ መቻሉ ላይ የተወሰነ ነው የሚሉት የፈርስት ኢንቨስትመንት ባንክ ዋና ሥራ አስፈጻሚ ሚካኤል አዲሱ ናቸው።    “ኤጀንሲው…

አዲስ አበባ ለ2019 በጀት ዓመት የማኅበረሰብ አቀፍ ጤና መድን አገልግሎት 2.3 ቢሊዮን ብር የበጀት ድጎማ መመደቧን ይፋ አደረገች

የአዲስ አበባ ከተማ አስተዳደር ጤና ቢሮ ለ2019 በጀት ዓመት ለማኅበረሰብ አቀፍ ጤና መድን አገልግሎት ያቀረበው የድጎማ በጀት ከ2018 በጀት ዓመት ድጎማ (1.3 ቢሊዮን ብር) የ76.92% ጭማሪ የታየበት ሆኗል።

የዘንድሮው የማኅበረሰብ አቀፍ ጤና መድን ምዝገባ ከጥቅምት 1 እስከ ኅዳር 30 ቀን 2019 ዓ.ም. ድረስ ለሁለት ወራት የሚካሄድ ሲሆን፣ ከ3 ሚሊዮን በላይ የከተማዋን ነዋሪዎች አባል ለማድረግ ታቅዷል።

ባለፈው በጀት ዓመት ከ2.75 ሚሊዮን በላይ ነዋሪዎች አባል የሆኑ ሲሆን፣ ከ3.2 ሚሊዮን በላይ አባላትና ቤተሰቦቻቸው በነጻና በቅናሽ ሕክምና አግኝተዋል ተብሏል።

✅ ስፑትኒክ ኢትዮጵያ | 📲 መተግበሪያ | 👉 X

📈 የአሜሪካ የበጀት ጉድለት ወደ 2 ትሪሊዮን ዶላር ገደማ በመድረስ፤  ባለፉት 5 ዓመታት ከፍተኛው አኃዝ ሆኖ ተመዘገበ

የአሜሪካ የበጀት ጉድለት በበጀት ዓመቱ በ217 ቢሊዮን ዶላር በማደግ ወደ 1.99 ትሪሊዮን ዶላር ከፍ ማለቱን የአሜሪካ የገንዘብ ሚኒስቴር መረጃዎች አመላክተዋል። ይህም እ.ኤ.አ ከ2021 ወዲህ የታየው ከፍተኛው የበጀት ጉድለት እና በአሜሪካ ታሪክ ውስጥ ሦስተኛው ትልቁ ዓመታዊ እጥረት ሆኖ ተመዝግቧል።

የዕዳ ክፍያ ወጪዎች 1.36 ትሪሊዮን ዶላር በመድረስ አዲስ ክብረ ወሰን አስመዝግበዋል። ይህም በ12% (144 ቢሊዮን ዶላር) ጭማሪ ያሳየ ሲሆን በአሁኑ ጊዜ ከማኅበራዊ ዋስትና  እና ከጤና ዋስትና ወጪዎች ድምር ብቻ ያነሰ ያደርገዋል።

የመከላከያ ወጪዎች በ6% አድገው 917 ቢሊዮን ዶላር ደርሰዋል። ምንም እንኳን የገንዘብ ሚኒስቴሩ ከዚህ ወጪ ውስጥ ምን ያህሉ ከኢራን ጦርነት ጋር እንደሚያያዝ ግልጽ አለመሆኑን ቢገልጽም።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X