ጉርሻ Tube

መልካም 60ኛ ዓመት የልደት በዓል ለኪነ-ጥበቡ ባለውለታ ለክቡር አርቲስት ሽመልስ በቀለ!

ዛሬ በበርካታ የጥበብ ሥራዎቹ የብዙዎችን ልብ ያሸነፈውና የመድረክ አድማቁ አርቲስት ሽመልስ በቀለ የ60 ዓመት የሕይወት ማዕበልን አልፎ አልማዛዊ የልደት በዓሉን የሚያከብርበት ልዩ ቀን ነው!

አርቲስት ሽመልስ በቀለ ተወልዶ ያደገው በአዲስ አበባ ከተማ በፍልውኃ አካባቢ ነው። የመጀመሪያ ደረጃ ትምህርቱን በልዑል አልጋ ወራሽ አሥፋ ወሰን የሕፃናት ማደሪያና በመንበረ ጸባኦት ቅድስት ሥላሴ ትምህርት ቤት፤ ሁለተኛ ደረጃ ትምህርቱን ደግሞ በዳግማዊ ምኒልክና በኮልፌ አጠቃላይ ሁለተኛ ደረጃ ትምህርት ቤቶች ተከታትሏል።

በአዲስ አበባ ዩኒቨርሲቲ በተፈጥሮ ሳይንስ ፋክልቲ (4 ኪሎ) የኢንጅነሪንግ ትምህርቱን ቢጀምርም፣ ለሕብረተሰብ ሳይንስና ለኪነ-ጥበብ ያለው ጥልቅ ፍቅርና ዝንባሌ አቅጣጫውን ሙሉ በሙሉ ወደ ሚዲያውና መዝናኛው ዘርፍ እንዲያዞር አድርጎታል።

በመዝናኛውና በኮሙኒኬሽን ዘርፍ "Infotainment Host" በመባል የሚታወቀው አርቲስት ሽመልስ በቀለ፣ በትያትር፣ በማስታወቂያ፣ በሚዲያ ዝግጅቶችና በመድረክ መሪነቱ (MC) የጎላ ስምና ገናና አሻራ አለው። ከ1987 ዓ.ም ጀምሮ ላለፉት 32 ዓመታት በሺዎች የሚቆጠሩ ዝግጅቶችንና ማስታወቂያዎችን በማቅረብ የኢንዱስትሪው ግንባር ቀደም ምሰሶ መሆን ችሏል።

አባቱ አቶ በቀለ ሽመልስ ለ38 ዓመታት በቅዱስ ዮሴፍና በካቴድራል ትምህርት ቤቶች በርካታ ታዋቂ የሀገራችንን ባለሙያዎች ያፈሩ የተከበሩ መምህር ነበሩ። አርቲስት ሽመልስም የዚያ ታላቅ አባት ልጅ በመሆን መልካም ሥነ-ምግባርንና አገልግሎትን ወርሶ ለዚህ ደረጃ የበቃ ታላቅ ሰው ነው።

ዛሬ 60ኛ ዓመት የልደት በዓሉን በሚያከብርበት በዚህ መልካም ቀን፣ ፈጣሪ ሙሉ ጤናን፣ ረጅም ዕድሜንና ተጨማሪ ስኬቶችን እንዲታደለው እንመኛለን!

ጉርሻ page

🌴🌴🌴

እናታችን ቅድስት ድንግል ማርያም ከክፉ ነገር ሁሉ ትከልለን፤ ምልጃዋ እና ረድኤቷም አይለየን🙏

ቤተክርስቲያናችን ቅድስት ድንግል ማርያምን ከፈጣሪ በታች ከፍጡራን ሁሉ በላይ በማለት ክብሯን ትገልጻለች። ኦርቶዶክሳዊያን ከሕጻንነታችን ጀምረን የእመቤታችንን ምስጋና እንማራለን፣ ሁልጊዜም በአባታችን ሆይ ጸሎት ጀምረን በመልኩ በቅዱስ ገብርኤል ሰላምታ ሰላም እንልሻለን ብለን ድንግል ማርያምን እናመሰግናታለን። እመቤታችን ቅድስት ድንግል ማርያም በቅዱሳን ሁሉ የምትመሰገን ናት። እርሷ ያላትን ክብር እንዴት እንደሚገልጹት ተጨንቀው በምን በምን እንመስልሻለን በማለት በሰው ህሊና የሚለካ ምሳሌ ማጣታቸውን ብዙ ቅዱሳን ተናግረዋል። የብህንሳው ኤጲስ ቆጶስ አባ ሕርያቆስ፣ ሶርያዊው ቅዱስ ኤፍሬምና ኢትዮጵያዊው አባ ጊዮርጊስ ዘጋስጫ ክብሯን ገናንነቷን በስፋት ተናግረዋል፣ አመስግነዋታል፡፡ እመቤታችን ቅድስት ድንግል ማርያም ወላዲተ አምላክ ናት።

ጌታችን አምላካችን ኢየሱ ክርስቶስ ከእመቤታችን ከቅድስት ድንግል ማርያም ከሥጋዋ ሥጋ ከነፍሷ ነፍስ ነሳ፤ በእርሷም የመለኮትና የስጋ ፍጹም ተዋህዶ ተፈጸመ፡፡ የማይወሰነውን አምላክ ዘጠኝ ወር ከአምስት ቀን በማህጸኗ ወሰነችው፡፡ ከዓለም በፊት ከአብ ያለእናት እንደተወለደ፣ ከእርሷ ደግሞ ድህረ ዓለም ያለ አባት ተወለደ፡፡ አምላክ እኛን ለማዳን ሰው ሆነ፣ ሰው አምላክ ሆነ ስንል በተዋህዶ ነውና እመቤታችን ቅድስት ድንግል ማርያም ወላዲተ አማላክ ትባላለች፡፡ እመቤታችን በሀሳብም በሥጋም ዘላለማዊት ድንግል ናት። በሀሳቧ በህሊናዋ ከአምላክ ህግና ሀሳብ በስተቀር ስጋዊ ሀሳብ ፈጽሞ ኖሮ አይውቅምና ከሰው ወገን ተለይታ የህሊና ድንግልና አላት፡፡

መልአኩ ቅዱስ ገብርኤልም ከሴቶች ሁሉ ተለይታ የተባረከች መሆኗን በመመስከር ይህን የህሊና ድንግልና ያስረዳናል። መልአኩም ልጅ ትወልጃለሽ ብሎ ሲያበስራት “ወንድ ስለማላውቅ ይህ እንዴት ይሆናል” ብላ መናገሯ “ስለ ወንድ ፈጽሞ አስቤ አላውቅም” ማለቷ ነውና የህሊና ወይም የሀሳብ ድንግልናዋን ያስረዳናል። ከመፅነሷ በፊት፤ በፀነሰች ጊዜ፤ ከፀነሰች በኋላ፤ ከመውለዷ በፊት፤ በወለደችም ጊዜ፤ ከወለደች በኋላ ድንግል ናት፡፡ ገዳማውያን ይህን ክብሯንና አማላጅነቷን አምነው ዘወትር አማልጂን ይሏታል፡፡ ገዳማቸውን እንደግፍ በዓታቸውን እናጽና፡፡

ድጋፍ ለማድረግ፡-
ቤተ ቅዱሳን ፈትለወርቅ ማርያም የእናቶች ገዳም፡-

ኢትዮጵያ ንግድ ባንክ

1000766349227

ወይም

አቢሲንያ ባንክ

262281132

የገዳሙ ስልክ ቁጥር፡-
0944672222 ወይም 0916106921

🙏🙏🙏

በ200 ሚሊዮን ብር የሞባይል ባንኪንግ ማጭበርበር ወንጀል የተጠረጠሩ 37 ግለሰቦች በቁጥጥር ሥር ዋሉ

በሞባይል ባንኪንግ የማጭበርበር ተግባር ላይ የተሰማሩ 37 ተጠርጣሪዎች በቁጥጥር ሥር መዋላቸውን የኢትዮጵያ ፌደራል ፖሊስ አስታወቀ።

ፖሊስ ከሌሎች የፀጥታና የፍትህ ተቋማት ጋር በመቀናጀት ባካሄደው የተቀናጀ ኦፕሬሽን ነው ተጠርጣሪዎቹን በቁጥጥር ሥር ማዋል የቻለው።
እነዚሁ ተጠርጣሪዎች በቡድን በመደራጀት በ658 ዜጎች ላይ ከ200 ሚሊዮን ብር በላይ የገንዘብ ጉዳት ማድረሳቸው በምርመራ መረጋገጡ ተገልጿል።

የወንጀል አፈጻጸም ስልታቸው፡ ተጠርጣሪዎቹ የባንክ የቴክኒክ ድጋፍ ሰጪ ሠራተኞችን በመምሰል ለተጎጂዎች ስልክ በመደወል፡

1 "የሽልማት ዕጣ ወጥቶልዎታል"

2 "የሞባይል ባንኪንግ አገልግሎትዎ ልናሻሽልልዎ ነው"

3 "የባንክ ሂሳብዎን ከፋይዳ ዲጂታል መታወቂያ ጋር ልናያይዝልዎ ነው" በማለት የይለፍ ቃል (Password)፣ የሁለት ደረጃ ማረጋገጫ ኮድ (OTP)፣ ፒን (PIN) እና ሌሎች ምስጢራዊ መረጃዎችን በመቀበል ማጭበርበራቸውን ፖሊስ አብራርቷል።

ለዚሁ ወንጀል ማፈጸሚያ የሚሆኑ መኖሪያ ቤቶችን በጋራ በመከራየት፣ በተለያዩ ግለሰቦች ስም የተመዘገቡ በርካታ የባንክ ሂሳቦችንና የሲም ካርድ ቁጥሮችን በመግዛት እንዲሁም በመከራየት ሲጠቀሙበት እንደነበርም ተደርሶበታል።

በኦፕሬሽኑ ወቅት ለወንጀል ተግባሩ ይገለገሉባቸው የነበሩ፡

• 9 ተሽከርካሪዎች
• 1 ሞተር ሳይክል
• 114 የሞባይል ቀፎዎች እና
• 478 የሲም ካርድ ቁጥሮች ከነተጠርጣሪዎቹ ጋር በቁጥጥር ሥር ውለው ምርመራው ቀጣይ መሆኑ ታውቋል።

ምንጭ፡ የኢትዮጵያ ፌደራል ፖሊስ

ጉርሻ page

🌴🌴🌴

እናታችን ቅድስት ድንግል ማርያም ከክፉ ነገር ሁሉ ትከልለን፤ ምልጃዋ እና ረድኤቷም አይለየን🙏

እመቤታችን ቅድስት ድንግል ማርያም ገና በቅድስት ሐና ማሕጸን ከነበረችበት ወቅት ጀምሮ ተአምራት ታደርግ ነበር፡፡ አንድ አይኗን ያጣች ቤርሳቤህ የተባለች ሴት የሀናን መጽነስ ስትሰማ በደስታ ልትጎበኛት መጣች፡፡ ቅድስት ሐናን እንኳን ደስ አለሽ ብላ ሆዷን ከዳሰሰቻት በኋላ በዚያው እጇ ዓይኗን ብትነካው ዐይኗ በርቶላታል፡፡ ይህን ምሳሌ አደርገው ድውያን እየመጡ ሆዷን ዳሰው ይፈወሱ ነበር፡፡ በመካንነት የነበሩት ወላጆቿ ልጅ ከሰጣቸው ለቤተ እግዚአብሔር ሊሰጡ ስዕለት ገብተው በቅድስት ድንግል ማርያም መወለድ ፍሬ ሲያገኙ ዓለም ደግሞ የመድኃኒቱን እናት አጊኝቷል፡፡ እናታችን ቅድስት ሐና ጸንሳ ሳለች የአጓቷ ልጅ አርፎ እጅግ የአልጋውን ሸንኮር እየዞረች ስታለቅስ ከሞተበት ተነስቶ “የሰማይና የምድር ፈጣሪ አያት ሆይ ላንቺ ክብር ይገባሻል” ብሎ መስክሮ ተመልሶ አርፏል፡፡

አይሁድም “ቀድሞ የእነዚህ ዘር የነበሩ ዳዊትና ሰሎሞን አርባ፣ አርባ ዘመን ገዙን አሁን ከዚህች የሚወለድ ምን ሊያደርገን ነው?” ብለው በድንጋይ ሊወግሯት ተነሱ፡፡ የራማው ልዑል ቅዱሰ ገብርኤል ወደ ሊባኖስ ተራራ ወሰዳቸው፤ በእዚያም በጨለማ ውስጥ የነበረው ዓለም ብርሃን የሚያይባት፣ የእውነተኛው ጸሐይ እናቱ ቅድስት ድንግል ማርያም ተወለደች፡፡ ኢያቄምና ሐና የተሳሉትን ስእለታቸው አስታውሰው በሦስት ዓመቷ ወስደው ለቤተ እግዚአብሔር ሲሰጧትም ካህኑ ዘካርያስ ስለምግቧ ተጨንቆ፤ ሕዝቡን ሰብስቦ ሳለ መልአኩ ፋኑኤል ኅብስት ሰማያዊ ጽዋዕ ይዞ ከሰማይ ወረደ፤ ዘካርያስ ለእርሱ የመጣ ሀብት መስሎት ሊቀበል ሲቀርብ ወደ ላይ ራቀበት፡፡ በዚያ በተሰበሰቡትም ቢሞክሩ አልሆነም፡፡

ዘካርያስም ሐናን “እግዚአብሔር የሚያደርገውን የሚያውቅ የለምና ልጅቷን ትተሸ ወደዚህ ነይ” አላት፤ በዚያም ጊዜ ቅድስት ማርያም እናቷን ስትከተል መልአኩ ፋኑኤል ፈጥኖ ወርዶ አንድ ክንፉን አንጥፎ አንድ ክንፉን ጋርዶ መግቧት፤ በክብር ዐረገ፡፡ ሊቀ ካህናቱና ሕዝቡም “የምግቧ ነገር ከተያዘልን በቤት እግዚአብሔር ትኑር” ብለው ታህሣስ 3 ቀን ወደ ቤተ መቅደስ አስገቧት፡፡ ለ12 ዓመታትም ሰማያዊ ኅብስትና መጠጥ እየተመገበች በቤተ መቅደስ ኖረች፡፡ ይህችን ብርሃን፣ የብርሃን እናት ገዳማውያን አባቶችና እናቶች ዘወትር በጸሎታቸው ያስቧታል፡፡ ገዳማቸውን እናግዝ፣ በዓታቸውን እናጽና፡፡

ድጋፍ ለማድረግ፡-
ቤተ ቅዱሳን ፈትለወርቅ ማርያም የእናቶች ገዳም፡-

ኢትዮጵያ ንግድ ባንክ

1000766349227

ወይም

አቢሲንያ ባንክ

262281132

የገዳሙ ስልክ ቁጥር፡- 0944672222 ወይም 0916106921

🙏🙏🙏

🌴🌴🌴

https://www.facebook.com/share/p/1Hyon4q6c9/?mibextid=wwXIfr

ለሌሎች ህልም የሆነው የእኛ የዘወትር ጸጋ

አንዳንዴ እጃችን ላይ ያለው አልማዝ ድንጋይ ይመስለናል። መታደላችን የሚገባን ደግሞ የሌሎችን ጥምና ሰቆቃ ስናይ ብቻ ነው።

ወንድሜ አዲስ አበባን ቀና ብለህ ሰማዩን ተመልከተው… ከላይ የሚወርደው ያ ንጹሕ የዝናብ ነጠብጣብ፣ ፊትህን የሚስመው ቀዝቃዛ ንፋስ፣ ምድሪቱ የምታወጣው ያ ደስ የሚል የርጥበት መዓዛ!

ይህ ዝም ብሎ የአየር ጠባይ አይደለም—ከሰማይ የወረደ ተአምር፣ የፈጣሪ ልዩ ስጦታ እንጂ።

ግን እኮ ይኸው ዝናብ ለሌላው ዓለም የወርቅ ያህል ውድ ነው!

እነዚያን በአረቡ ዓለም በሙቀት ና በአሸዋ ውስጥ የሚኖሩ ሕዝቦችን አስባቸው። በዓመት አንዴ ወይም ሁለቴ ዝናብ ብቅ ስትልላቸው የሚሆኑትን ብታይ ይደንቅሀል

ትልቁም ትንሽም ከቤት ወጥቶ በዝናቡ እየተመታ እንደ ሕፃን ይጨፍራል፤ ፈጣሪውን እያመሰገነ ያንባል። ያች አንዲት ጠብታ ስትጠፋ ደግሞ አገር ሙሉ ታውጆ፣ ሕዝብ ተንበርክከው ጸሎት ያደርጋሉ።

ላባቸውን በነጠቡ ቁጥር የሚመኙት፣ እኛ ዘወትር በነፃ የምንተነፍሰውንና የምናየውን አየር ነው።

ይህ እውነታ የሚገባህ ያንን የአረብ በረሃ አቧራ በሳምባህ ስታስገባ፣ የስደትን እሳት በሰውነትህ ስትቀምስ ብቻ ነው።

እኛ ግን ምንኛ የተባረክን ነን? ዓይንህ የሚያየው አረንጓዴ፣ ሳምባህ የሚስበው ንጹሕ አየር፣ ምድርህ የሚቸርህ ቅዝቃዜ… ይህ ሁሉ በነፃ የተሰጠህ የፈጣሪ ቸርነት ነው። እድለኛ ነህ! ውብ አገር፣ ውብ አየርና ውብ መልክዓ ምድር አለህ።

ወዳጄ፣ በእጅህ ያለውን ጸጋ አትናቀው። ዛሬ መስኮትህን ከፍተህ ያንን ቀዝቃዛ አየር በጥልቀት ሳብ አድርግና “ፈጣሪ ሆይ ስላደልከኝ አመሰግናለሁ!” በል። ያለህን ውደድ፣ አገርህን ጠብቅ፣ በታደልከውም በረከት በኩራት ኑር!

🇪🇹🙏

ጉርሻ page

🌴🌴🌴

https://www.facebook.com/share/1BjvsV3Met/?mibextid=wwXIfr

ኤርትራውያን ከ1.1 ሚሊዮን በላይ ድምፅ በማስመዝገብ አዲስ ታሪካዊ ሪከርድ ጨበጡ —

የኢትዮጵያውያንም የቲክቶክ ርብርብ ድምፅ ማሳደጉን ቀጥሏል!

በዓለም አቀፉ 73ኛው ሚስ ወርልድ (Miss World 2026) የቁንጅና ውድድር "People’s Choice" ህዝባዊ ድምፅ አሰጣጥ ላይ ኤርትራውያን ባሳዩት አስደናቂና ከፍተኛ የተናበበ ደጋፊነት ተወዳዳሪያቸው ስኒት ሀብተአብ 1,184,000 ድምፅ እንድታገኝ በማድረግ በውድድሩ ታሪክ አዲስ ሪከርድ አስመዝግበዋል።

በሌላ በኩል፣ ኢትዮጵያውያን በቲክቶክ የቀጥታ ስርጭቶች (Live) እና በተለያዩ ማህበራዊ ሚዲያ ፈታኝ እንቅስቃሴዎች ያደረጉት ከፍተኛ የጋራ እርብርብ ውጤት አፍርቶ፣ ተወዳዳሪያቸው ሩት ይርጋለም የድምፅ ቁጥሯን ወደ 890 ሺህ በማሳደግ በ2ኛ ደረጃ ላይ እንድትቀመጥ አድርጓታል።

የሁለቱ ጎረቤታማና ወንድማማች ህዝቦች ተወዳዳሪዎች በውድድሩ አናት ላይ መሆናቸው ውድድሩ በፍቅር፣ በጨዋነት እና በጤናማ ስፖርታዊ መንፈስ ተሞልቶ በከፍተኛ ድምቀት እንዲቀጥል አድርጎታል።

የወቅቱ የድምፅ ደረጃ

ኤርትራ (ስኒት ሀብተአብ) — 1,184,000+ ድምፅ (አዲስ ሪከርድ)

ኢትዮጵያ (ሩት ይርጋለም) — 890,000 ድምፅ

ናይጄሪያ (ሶዬ ካሪቢ-ጆርጅ) — 517,000 ድምፅ

በዚህ የ"People’s Choice" ህዝባዊ ድምፅ አሰጣጥ በአንደኝነት የምታጠናቅቀው ተወዳዳሪ ቀጥታ ወደ Top 6 (ስድስት ውስጥ) የምትቀላቀል ሲሆን፣ ሌሎች ከፍተኛ ድምፅ የሚያገኙ ተወዳዳሪዎችም የሚያስመዝግቡት ውጤት ተይዞላቸው ወደሚቀጥለው ዙር የሚያልፉ ይሆናል።

በተደጋጋሚ በየ 24 ስአቱ በነፃም ድምፅ መስጠት ስለሚቻል መስጠታቸውንና መረጃዎችን Share ማድረጋቸውን አጠናክረው እንዲቀጥሉ ጥሪ ቀርቧል!
💪 🇪🇹

ጉርሻ page
🌴🌴🌴

https://www.facebook.com/share/p/1Dqo1pj7KK/?mibextid=wwXIfr

የመላእክት አለቃ የቅዱስ ሚካኤል ልመናችንን ይስማን፤ምልጃ እና ረድኤቱም አይለየን🙏

ቅዱሳት መጻሕፍት እንደሚነግሩን የመላእክት ሁሉ አለቃቸው ቅዱስ ሚካኤል በፈጣሪው ኃይል ብዙ ድንቆችን ሠርቷል፡፡ ከመጀመሪያው ሰው አዳም ጀምሮ እስከ ዛሬ ድረስ አምነው ለሚጠሩት ረዳት ነው፡፡ በመዝሙር 33÷7 እደተጻፈው ዘወትርም ያድናቸው ዘንድ በሚፈሩት ሰዎች ዙሪያ ይሠፍራል፡፡ እግራችን እንዳይሰናከል ዘወትር ይጠብቀናል፡፡

የቅዱስ ሚካኤል ስሙ ድንቅ ነው፡፡ ነቢዩ ቅዱስ ዳንኤል እንደተናገረው ከእርሱ በቀርስ የሚያጸና ማን አለና! ለሕዝቡም የሚቆም ታዳጊ መልአክ ነው፡፡ ይህ ድንቅ መልአክ ከሺህ ዓመታት በፊት በሮም ከተማ ይህንን ድንቅ ተአምር መስከረም ዘጠኝ ቀን መሥራቱን ቤተ ክርስቲያን ትመሰክራለች፡፡ በቀድሞው የሮም ግዛት 'ሩፍምያ' የምትባል ከተማ ነበረች፡፡

ይህች ከተማ በእምነታቸው ጠንካሮች የሆኑ ጥቂት ክርስቲያኖችና በርካታ ኢአማንያን ተቀላቅለው የሚኖሩባት ናት፡፡ በተለይ ደግሞ የቤተ ክርስቲያኗ መጋቢ ፍጹም የእምነት ሰው ነበር፡፡ በቦታው የቅዱስ ሚካኤል ቤተ ክርስቲያን በመኖሩም ብዙ ተአምራት ይደረግ ስለነበር ተበለጥን የሚል ስሜት የተሰማቸው አሕዛብ “ዮናናውያን”ይሕንን ቤተ ክርስቲያን ለማጥፋት ተማማሉ፡፡ በቀጥታ ሔደው ቢያፈርሱት ወይም ቢያቃጥሉት በሕግ እንደሚጠየቁ ያውቃሉና በሥጋዊ ጭንቅላታቸው ዘዴ ያሉትን መከሩና ወሰኑ፡፡ በከተማዋ ዳር የሚያልፍ አንድ ትልቅ ወንዝ አለ፡፡ በሞላ ጊዜ ያገኘውን ሁሉ ጠርጐ የሚወስድም ነበር፡፡ ታዲያ ክፋተኞቹ ሌሊት ሌሊት እየተነሱ የሚሔድበትን መንገድ ዘግተው ወደ ቤተ ክርስቲያኑ አቅጣጫ መንገድ ከፈቱለት ከቀናት በኋላ ከባድ ዝናብ በዚህች ቀን ጣለ፡፡

ወንዙ ትልቅ ነውና ያገኘውን ሁሉ እያገላበጠ ደረሰ፡፡ በወቅቱ በቅዱሱ መልአክ ቤተ መቅደስ ውስጥ ከመጋቢው በስተቀር ሰው አልነበረምና አስፈሪ ድምጽ ሰምቶ ሲወጣ ወንዙ እየደነፋ ወደ ቤተ ክርስቲያኑ እየመጣ ነው፡፡ ከደቂቃዎች በሁዋላ ቤተ ክርስቲያኑ እንዳልነበረ እንደሚሆን የተረዳው መጋቢ በታላቅ ድንግጤ ውስጥ ወደቀ፡፡ እርሱ አንድ ተስፋ ነበረውና ወደ ውስጥ ገብቶ በመላዕክት አለቃ በቅዱስ ሚካኤል ምስለ ስዕል ፊት ወድቆ ተማጸነ፡፡ ታላቁ ወንዝ ቤተ ክርስቲያኑን ጠርጎ የሚወወስደው ከሆነም የሚሆነውን ነገር ለመቀበልና ከዚያም ላለመውጣትም ወሰነ፡፡ ትንሽ ቆይቶ በታላቅ ኃይል ወንዙ ደረሰ፡፡ በዚህ ጊዜ የመላዕክት ሁሉ አለቃቸው ለጠራውም ፈጥኖ የሚደርሰው ቅዱስ ሚካኤል በግርማ ከሰማይ ወርዶ በወንዙ ፊት ቆመ፡፡

መጋቢውንም "ጽና አትፍራ፣ እኔ ካንተ ጋር ነኝና" ብሎት በያዘው የብርሃን በትረ-መስቀል መሬትን አንድ ጊዜ መታት፡፡ በዚያች ቅጽበትም ትልቅ ሸለቆ ተፈጠረ፡፡ በአስፈሪ ሁኔታ ሲመጣ የነበረው ወንዝም በሸለቆው ውስጥ አልፎ ሔደ፡፡ የሚገርመው ነገር የመላዕክት አለቃ ቅዱስ ሚካኤል ሸለቆው የተፈጠረው ከቤተ ክርስቲያኑ በታች መሆኑ ነው፡፡ ቤተክርስቲያኑ ግን ጸንቶ ቆመ፡፡ መጋቢውም እግዚአብሔርንና ቅዱስ ሚካኤልን አመሰገነ፡፡ ቅዱስ ሚካኤል መጋቢውን ባርኮት በክብር ዐረገ፡፡ በማግስቱ ክርስቲያኖቹ ይህንን አይተው ደስ አላቸው፣ መልአኩንም አከበሩት፣ አሕዛብ ግን አፈሩ፡፡

ራሳቸውን ለእግዚአብሔር ያስገዙ ገዳማውያንና ቅዱሳን ጸሎታቸው ኃይልን ታደርጋለች፡፡ ገዳማቸውን እየደገፍን በዓታቸውን እያጸናን የበረከታቸው ተሳታፊ እንሁን፡፡

ድጋፍ ለማድረግ:-
ሙትአንሳ ማር ቅዱሰ ሚካኤል አንድነት ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

የገዳሙ ስልክ ቁጥር:-
0918077957 ወይም 0938644444

🙏🙏🙏

🌴🌴🌴

https://www.facebook.com/share/p/1E4jrbBByS/?mibextid=wwXIfr

ሌንዚ በ320 ሺህ ብር ድጋፍ የሩት ይርጋለምን የድምፅ ቁጥር ወደ 664,000 ከፍ አደረገች!

ታምር በቲክቶክ! የሩት ይርጋለም የድምፅ ቁጥር ወደ 664,000 ከፍ አለ!

በዓለም አቀፉ የ37ኛው (73rd) ሚስ ወርልድ (Miss World 2026) ውድድር ላይ ኢትዮጵያን ወክላ የምትወዳደረው እህታችን ሩት ይርጋለም፣

በቲክቶከሮችና በደጋፊዎቿ የተቀናጀ ርብርብ አስደናቂ እመርታ ማሳየቷን ቀጥላለች!

በተለይም እህታችን ሌንዚ (Lenzi) ያደረገችው ድንቅና ለወገን ደራሽነትን ያሳየ በጎ ተግባር የሁሉንም ቀልብ ስቧል።

ሌንዚ በጉርሻ ፔጅ ስም 500 ዶላር እና በራሷ ስም 1500 ዶላር በአጠቃላይ 2ሺህ ዶላር በብር ከ320,000 የኢትዮጵያ ብር በላይ በማውጣት Vote ለእህታችን ሩት ገዝታላታለች!

ሌንዚ ላሳየችው ከፍተኛ አገር ወዳድነትና ወገናዊ ድጋፍ ትልቅ ምስጋናና አክብሮት ይገባታል!

ወቅታዊ የድምፅ ደረጃ :

1ኛ ኤርትራ (ስኒት ሀብተአብ) – 938,000 ድምፅ
2ኛ ኢትዮጵያ (ሩት ይርጋለም) – 664,000 ድምፅ
3ኛ ናይጄሪያ (ሶዬ ካሪቢ-ጆርጅ) – 503,000 ድምፅ

ውድድሩ በሁለቱ ጎረቤታማና ወንድማማች ሕዝቦች መካከል በፍቅር፣ በጨዋነት እና በጤናማ መንፈስ የተሞላ ሆኖ ቀጥሏል።

ሩት አሁንም በሁለተኛ ደረጃ ላይ ትገኛለች፤ ነገር ግን ከአንደኝነት ያለው ልዩነት በጋራ ጥረታችን የሚዘጋ ነው።


አሁንም በየቀኑ ድምፅ መስጠታችንን፣
መረጃዎችን Share ማድረጋችንን እና በሃቢባ ቤት በሚደረጉ የቀጥታ የቲክቶክ ስርጭቶች (Live) ላይ በመቀላቀል ድጋፋችንን አጠናክረን እንቀጥል!
ሀገራችንን በዓለም አቀፍ መድረክ ከፍ ለማድረግ እጃችንን እንያያዝ!

ጉርሻ page

🌴🌴🌴

https://www.facebook.com/share/p/1Bm8KLucFw/?mibextid=wwXIfr