ᴇʟɪᴀꜱ ᴍᴇꜱᴇʀᴇᴛ

መሠረት ሚድያ በተሰናበቱ ባለስልጣናት ዙርያ ከወራት እና ከአመት በፊት ሲሰራቸው የቆዩ ዘገባዎችን በመጥቀስ ወንድም አወንታ በርሲሳ እንዲህ አይነት ሚድያዎች ድጋፍ ሊደረግላቸው እና በነፃነት ሊሰሩ እንደሚገባ እንዲሁም መንግስት ራሱን ከሌላ አቅጣጫ እንዲያይበት ሊያደርጉ የሚችሉ ተቋማት መሆናቸውን በማንሳት የሰራውን ቪድዮ ሰው ልኮልኝ ተመለትኩ።

ትክክል ነው፣ ነገር ግን ድጋፉ ይቅርና በነፃ ስራ እንዲሰሩ ቢደረግ በቂ ነው ባይ ነኝ።

መሠረት ሚድያ ያን ሁሉ መረጃ ከማስረጃ ጋር ሲያወጣ መንግስትን መቃወም መስሎት ሲሳደብ የከረመ የሚድያ ሰራዊት ያሳዝነኛል። የመሠረት ሚድያ ዋና ግብ ትክክለኛ መረጃን ለማንኛውም አንባቢ ማቅረብ ቢሆንም እንደ መንግስት ግን የተጠቀመ የለም፣ ከጥግ ጥግ መረጃዎቹን በመከታተል ምርመራዎችን ያደርግ ነበር።

የመሠረት ሚድያ ዜናዎች በወረቀት ጭምር ታትመው ግምገማ ላይ ሲቀርቡ እንደነበር ስንሰማ ከርመናል፣ መረጃው ከጠቀመ ግን ማንም ይጠቀምበት። መንግስት እውነትን ለማፈላለግ የሄደበትን ርቀትንም አለማመስገን ንፉግነት ነው።

ይቀጥላል!

https://www.meseretmedia.org/p/379

ጠ/ሚር አብይ አህመድ በሙስና፣ በሌብነት እና የህዝብን ሀብት በመበዝበዝ የተደረሰባቸው የካቢኔ አባላት አሉ ብለዋል... ይሁንና እነዚህኑ ግለሰቦች መልሶ አምባሳደር እና ዲፕሎማት አድርጎ መሾም ምን ማለት ይሆን?

አንድ ወይም ሁለት ሳይሆን በርካታ ከስልጣን ተነሺዎች በዲፕሎማትነት ወደ ውጪ እንደሚላኩ መረጃዎች ደርሰውኛል፣ አንደኛውማ 'ቻይና ልመደብ ስለሆነ እዛው እንቀጥለዋለን' በማለት ለሀገር ውስጥ እና ለቻይና ባለሀብቶች መናገር ጀምረዋል።

ሌባ ቢሆኑም ዲፕሎማት ተደርገው ቢላኩ ብዙም ብር ስለሌለው አይሰርቁም በሚል ስሌት ይሆን? ሌባ ለአመሉ እንዲሉ መስረቅ የለመደ የኤምባሲዎችን ጣርያ ነቅሎ ሊሸጥ ይችላል።

ከሁሉም በላይ ግን ዲፕሎማትነትን እና ዲፕሎማሲያችንን የሰረቀ የሚላክበት፣ የሚቀጣበት ተደርጎ የሚወሰድበት አግባብ ልክ አይደለም፣ ሀገራቸውን በቅንነት ለሚያገለግሉ ዲፕሎማቶችም fair አይደለም። የሰረቀን ክስ መስርቶ መፋረድ እንጂ በየኤምባሲው ማጨቅ መፍትሄ አይሆንም።

@EliasMeseret

ከሰሞኑ መንግስት ብስለቱን ያሳየባቸው እና አሁንም የሚዳክርባቸው ጉዳዮች!

በሰሜኑ የሀገራችን ክፍል በድጋሜ የተከሰተውን ጦርነት ተከትሎ መንግስት በአንድ በኩል ብስለቱን በግልፅ አስመስክሯል። እሱም የዛሬ ስድስት አመት እንደነበረው ህዝብን ከታጣቂ ባለየ መልኩ 'ቁረጠው፣ ማጎርያ ካምፕ አስገባው፣ በልተኸው ተቀደስ፣ ጭራቅ ናቸው' ወዘተ ከሚል ህዝብን ቂም ውስጥ ከቶ ከመንግስት ከሚያራርቅ ንግግር እና ፕሮፖጋንዳ ራሱን አርቋል። ይህ አካሄድ በዛሬው የጠ/ሚሩ ንግግር ላይ ተንፀባርቋል፣ የህዝብን ድጋፍ የሚያስገኝ አካሄድ መሆኑ ግልፅ ነው። 

በሌላ በኩል ደግሞ ሚድያዎች ስራቸውን በነፃነት እንዳይሰሩ የሚደረገው አፈና ልክ እንደዛሬ ስድስት አመቱ ተባብሶ ቀጥሏል። የሚድያ ባለስልጣናት ጋዜጠኞችን እየሰበሰቡ 'ይህን እንዳትፅፉ፣ ያንን እንዳታናግሩ' የሚል ግብስብስ ነገር ውስጥ ገብተዋል፣ ከዛም አልፈው ባለፉት ጥቂት ቀናት ጋዜጠኞችን አስረዋል። ጥፋት ካለ በሚድያ ህጉ መዳኘት እያለ ዘሎ ጋዜጠኞችን ማነቅ ምን የሚሉት አባዜ እንደሆነ የሚያውቁት ራሳቸው ናቸው።

ለማንኛውም ሰላም ለመላው ህዝባችን።

@EliasMeseret

እነዚህን ስፖርተኞች እንደ ምሳሌ (role models) አድርገው ለሚመለከቱ ህፃናት እና ወጣቶች የምናስተላልፈው መልዕክት ምንድነው?

https://www.meseretmedia.org/p/mma

በአንዳንድ ጉዳዮች አስተያየት ስሰጥ 'በወያኔ ግዜ የት ነበርክ?' የሚሉ አስተያየቶችን አልፎ አልፎ አያለሁ። በወያኔ ግዜ አሁን ላይ በድምር 1 ሚልዮን ገደማ ተከታታይ ያላቸው የማህበራዊ ሚድያ ገፆቼ (ፌስቡክ፣ ኤክስ፣ ቴሌግራም እና ዋትሳፕ) አልነበሩኝም፣ ትንሽ ተከታይ ያለው አንድ የፌስቡክ ገፅ ነበረኝ።

ታድያ በዛን ግዜ የሀገራችንን መልካም ዜናዎችም ሆነ የሚፈፀሙ ግድያዎችን፣ አፈናዎችን፣ የሰብዓዊ መብት ጥሰቶችን ወዘተ በአለም ዙርያ ለሚገኙ ቢሊዮኖች የማጋልጠው በሶሻል ሚድያ ሳይሆን በምሰራቸው ዜናዎች ነበር። ያኔ የት ነበርክ ለምትሉ ምላሹ በጥቂቱ ይኸው ⤵️

1. Several dozen shot dead in weekend protests across Ethiopia
https://apnews.com/general-news-6b3ca469c63941ebbfbbd321705aece1

2. Group: Ethiopia's security forces killed over 400 protesters
https://www.ksl.com/article/40229325/group-ethiopias-security-forces-killed-over-400-protesters

3. HRW: Media suppression in Ethiopia curbing democratic space
https://www.sandiegouniontribune.com/2015/01/22/hrw-media-suppression-in-ethiopia-curbing-democratic-space/

4. Ethiopia: At least 11 students killed in violence
https://www.yahoo.com/news/ethiopia-least-11-students-killed-violence-105243525.html?guccounter=1&guce_referrer=aHR0cHM6Ly93d3cuZ29vZ2xlLmNvbS8&guce_referrer_sig=AQAAAMq2WlBdAf1NcDJCHmtvM0ma-HBF8HXZx5-x9akKLeP6s_XJnAf5eA6Pi7OGlNdTc3lGlEkQKDwKoD--yzudyAu9Es9fGZpLdoxdK2HqO9vQ_nCF8H4TceZT3XOTrnuk2J30NaWZ2JZKxTsrS5XTHl0bOJzFdNsZWv0PkLtr2h6Z

5. Ethiopia targets opposition who met with European lawmakers
https://gebremariam3.rssing.com/chan-50763547/article1865.html?nocache=0

6. Ethiopia jails 20 Muslims that it accused of pursuing Sharia state
https://apnews.com/general-news-e65d8d01cf6146038b5cf37385111d34

7. New report says Ethiopia blocked social media, news sites
https://www.njherald.com/story/news/nation-world/2016/12/13/new-report-says-ethiopia-blocked/3127598007/

8. Ethiopia detains foreign pilots in a vintage air rally
https://www.foxnews.com/world/2016/11/24/ethiopia-detains-foreign-pilots-in-vintage-air-rally.html

9. Ethiopia arrests blogger, academic critical of government
https://www.heraldonline.co.zw/ethiopia-arrests-blogger-critical-of-government/

10. Fifty two confirmed dead in stampede at Ethiopia religious event
https://www.timesofisrael.com/52-confirmed-dead-in-stampede-at-ethiopia-religious-event/

11. Ethiopian marathoner remains in US on visa after protest
https://apnews.com/general-news-af404d3dbc4e4ab0b048f4f423c7649e

12. Groups urge UN Human Rights Council over Ethiopia protests
https://www.sandiegouniontribune.com/2016/09/08/groups-urge-un-human-rights-council-over-ethiopia-protests/

... በመቶዎች የሚቆጠሩ ሌሎች የወቅቱን መንግስት ድርጊት በተመለከተ የተሰሩ ዜናዎችን ማቅረብ ይቻላል።

ያኔም፣ ዛሬም እዛው አቋም ላይ ነን። መንግስት ቢቀያየር ለህዝብ እና ሀገር እውነት መቆም የሙያው ግዴታ ነው።

አቶ ገዱ አንዳርጋቸውን ያሳያል የተባለ አንድ ቪድዮ ሲዘዋወር ተመለከትኩ፣ ቪድዮውን የለጠፉት ሰዎች ደግሞ 'የቀድሞው የክልል ፕሬዝደንት አሁን ላይ ይህን ስራ አሜሪካ እየሰሩ ነው' በሚል ለማሸማቀቅ ያሰቡ ይመስላል።

ቪድዮው የእውነት ከሆነ ትክክለኛ መልዕክቱ ግለሰቡ እንደ ሌላው ሳይዘርፉ፣ በውጭ ሀብት ሳያካብቱ እንዲሁም በዱባይ፣ በናይሮቢ፣ በአውሮፓ እና በአሜሪካ የህዝብ ሀብት ይዘው እንዳልሸሹ፣ አሁን ላይ ደግሞ በነፃ ህሊና ስራ ሰርተው እየኖሩ እንደሆኑ የሚያሳይ ነው።

ይህን መልዕክት የለቀቁ ሰዎች ስራ ሰርቶ ከሚኖር አንድ ባለስልጣን ከነበረ ግለሰብ ይልቅ የህዝብን ሀብት ዘርፎ ዱባይ ላይ ቪላ በመግዛት የሚንደላቀቅ ባለስልጣንን አክብረው እና አድንቀው የሚኖሩ ለመሆናቸው ምስክር አይሻም።

@EliasMeseret

ፎቷቸውን ትኩር ብዬ ተመለከትኩት፣ ህይወታቸው ገና ከፊታቸው የሚጠብቃቸው ወጣቶች እንደሆኑ ያስታውቃሉ። መሀል ላይ ያለው ወጣት ድንጋጤው ይጋባል፣ ሰው ባላጠፋው ጥፋት ሲከሰስ የሚሰማው ስሜት።

ሁሉም 'ፋኖ ናችሁ' ተብለው ተረሸኑ፣ አስከሬናቸው እንኳን እንዳይነሳ ለቀናት ተከለከለ።

ተመስገን ጌታቸው፣ ይታገሱ አሰግደው፣ ግዛው ግርማዬ!

ነፍስ ይማር!

https://www.meseretmedia.org/p/346

ህዝቡን አትግደሉ፣ አታስገድሉ ማለት ከመቼ ጀምሮ ነው ግጭት መቀስቀስ የሆነው?

የኦርቶዶክስ እምነት ተከታዮች በአንድነት ቆመው 'አትግደሉን፣ አታስገድሉን' ማለታቸው ብዙ ነርቮችን አነቃቅቷል፣ አንቀሳቅሷል። በሌላ በኩል አንድም የሌላ እምነት ስም ባልተጠቀሰበት ሁኔታ 'አትግደሉኝ' ያለን ሰው 'የእኔ እምነት ጠላት ስለሆንክ ነው' ማለት ምን አይነት ግብዝነት ነው?

አሁንም ግራ የተጋቡ አንዳንድ ቢሮዎች እርስ በርስ የሚጣረስ መረጃ እያወጡ (የሰላም ሚኒስቴር፣ መብቶች ኮሚሽን etc)። ስራቸውን ላለማሰናከል ስማቸውን የማልጠቅሳቸው ሁለት አለም አቀፍ ድርጅቶች በእውነተኛ ጉዳቱ ዙርያ ምርመራ ጀምረዋል፣ ያኔ በሰው ሞት አሁን የሚሳለቅ ሁሉ ይገባዋል፣ የሚገባው አይነት ፍጥረት ከሆነ።

ከንቲባ አዳነች አቤቤ በትውልድ ስፍራቸው ከሰሞኑ የተከሰተው አሳዛኝ እና አሰቃቂ ግድያ እንዳይስፋፋ ከአሰኮ ወረዳ አስተዳዳሪ አቶ ገቢ ገልቹ ጋር በአንድነት በመሆን እያደረጉ ያለው ጥረት ከፍ ያለ በመሆኑ የላቀ ምስጋና ይገባቸዋል። ሁሉም መረጃ ለሚድያ ፍጆታ አይውልም እንጂ ዝርዝሩ ብዙ ነው፣ ችግሮች አሁንም ቢኖሩም ከትናንት ጠዋት ጀምሮ በአካባቢው መረጋጋት እንዳለ መረጃዎች አሰባስቤያለሁ።

ከዚህ ጋር ተያይዞ የወረዳው ፖሊስ አዛዥ አቶ አባቡ አብደላ በቁጥጥር ስር የዋሉ ሲሆን የሰላምና ፀጥታ ሀላፊው ደግሞ ለግዜው ተሰውረዋል፣ ያሉበት አልታወቀም።

በተቃራኒው የክልሉ ልሳን የሆነው ኦቢኤን (OBN) ከዛሬ ጠዋት ገደማ ጀምሮ ጋዜጠኞቹን ወደ ስፍራው በማሰማራት ዶክመንታሪ ማሰራት ጀምሯል፣ ዶክመንታሪው ላይ የመንግስት ሰራተኞችን ጭምር የአካባቢው አርሶ አደር አስመስሎ በማቅረብ እየተሰራ እንደሆነ መረጃ ደርሶኛል።

ይሁ ሁሉ ግን ለምን?

ለሌላ እልቂት ዝግጅት?

ከንቲባዋን ግን ለጥረታቸው አመስግኑልኝ!