JOQ Albania

https://www.instagram.com/joqnews

Na ndiqni ketu sepse profilin kryeson na e kane mbyllur sot. 🙏

JOQ Albania hap grupin LIVE në Telegram!

📹 Dërgoni video dhe foto nga protestat dhe ngjarjet në kohë reale.

Diskutoni lirshëm, ndani mendimet dhe raportoni problematikat që ju shqetësojnë.

🤝 Respektoni mendimin e njëri-tjetrit, edhe kur nuk jeni dakord!
Bashkohuni me grupin dhe bëhuni pjesë e lajmit!

Ju lutem na dërgoni pamje nga protesta live!

Ngjarja ka tronditur banorët e zonës, të cilët tregojnë se e moshuara është viktimë e vazhdueshme e dhunës dhe bullizmit prej vitesh. Sipas denoncimit, ajo është dhunuar më parë edhe nga ish-bashkëshorti i saj, me të cilin është ndarë, por gjithashtu përballet çdo ditë me përçmim dhe fyerje nga një grup grash të lagjes.

Në pamjet e siguruara nga kamerat e sigurisë, shihet momenti kur burri, i cili sipas denoncuesit është bashkëshorti i njërës prej këtyre grave, futet në dyqan vrullshëm dhe e sulmon të moshuarën. Ai e godet disa herë në fytyrë dhe kokë me një qese në të cilën dyshohet se ndodhej një objekt plastik, ndoshta një bidon. Më pas e shan dhe e shtyn me forcë, duke e rrëzuar në tokë dhe duke u larguar sikur të mos kishte ndodhur asgjë.

Nga audio e videos dëgjohen ulërimat e dhimbjes së gruas, e cila përpiqet të mbrohet mes britmave dhe goditjeve të njëpasnjëshme.

Një qytetar, banor i pallatit ku ndodhi ngjarja, shkruan për JOQ Albania:

“Në lagjen time po ndodh një padrejtësi që nuk mund ta hesht më. Një zonjë e quajtur Vasilika, që jeton në një nga dyqanet e pallatit tonë, është viktimë e dhunës fizike dhe psikologjike prej vitesh. Është në gjendje të rënduar mendore dhe për më tepër dhunohet sistematikisht nga gratë e lagjes. Këto gra çdo ditë e përgojojnë dhe e provokojnë, ndërsa ajo mundohet t’u kthehet. Dhe atëherë e bëjnë dhe më keq. Policia vjen, por kurrë nuk merr masa. I dalin para e i thonë që ajo gënjen, që është e çmendur. Por kamerat e saj tregojnë të vërtetën.”

“Vetëm dua të them se kjo grua, edhe pse në hall të madh, është shumë e kulturuar dhe e njerëzishme. Dhe edhe po të mos ishte, policia ka për detyrë ta mbrojë, jo ta lërë në mëshirë të fatit.”

Sipas qytetarit, pavarësisht denoncimeve të shumta që janë bërë ndër vite, policia nuk ka marrë asnjë masë konkrete. Madje edhe pas dhunës së fundit, e moshuara është marrë me ambulancë, mbajtur vetëm një natë në spital dhe më pas është rikthyer në banesë, pa asnjë mbrojtje apo hetim të plotë për autorin e sulmit.

JOQ Albania i bën thirrje autoriteteve për të vepruar menjëherë! Kjo grua nuk duhet të lihet më vetëm! Dhuna nuk duhet të tolerohet dhe çdo qytetar meriton të jetojë i sigurt në shtëpinë e tij.

Një tjetër rast dhune dhe denigrimi ka mbërritur në redaksinë tonë, ku prodagoniste janë një grup me vajza.

Në pamjet që JOQ Albania ka siguruar, duket njëra prej vajzave e cila jep urdhra, dhe një tjetër që ‘bindet’ duke bërë çfarë i thonë, teksa në telefon është dhe një djalë që është telefonuar. Vajza që bën video i kërkon ‘viktimës’ që të kërkojë falje duke thënë: “Më fal, të hëngsha k****.”

Gjatë këtij momenti ajo edhe ushtron dhunë ndaj vajzës së pambrojtur, e cila duke mospasur rrugëzgjidhje bindet.

Përveç nivelit shumë të ulët e denigrues të fjalorit, ajo që e bën më të rëndë këtë ngjarje është se e gjitha është filmuar dhe si pa të keq është publikuar në ‘TikTok’, duke bërë që vajza të bullizohet akoma më shumë.

“Cfar na shikojn syt. Si mund t godas nje femër. Ju lutem shikojeni sa me shpejt dhe t meren masa se gjyna,” shkruan një qytetar i habitur që ka parë pamjet.

JOQ po publikon të censuruara këto pamje, duke i bërë thirrje autoriteteve që të marrin masa për ndëshkimin e këtij fenomeni të rrezikshëm.

Kujtojmë se dy javë më parë disa vajza nga Fieri u bënë protagoniste të një rasti të ngjashëm, ku një adoleshente bullizoheshe, detyrohej të thoshte fjalë të papërshtatshme dhe pasi dhunohej nga vajzat, hidhej në ferra. Pas publikimit të rastit nga ana jonë dhe referimit të ngjarjes në Polici, autoritetet morën masa duke proceduar disa nga adoleshentet dhe shpallur në kërkim një tjetër.