FluentUp

အင်္ဂလိပ်စာ လေ့လာစမှာ တစ်ယောက်ယောက်က ကိုယ့်ကို ကူညီပေးတဲ့အခါ "Thank you" လို့ ပြောတတ်တာ လုံးဝ မှန်ကန်ပါတယ်။

ဒါပေမယ့် နေရာတိုင်း၊ အခြေအနေတိုင်းမှာ စက်ရုပ်တစ်ရုပ်လို "Thank you" ချည်းပဲ ထပ်ခါတလဲလဲ ပြောနေရင် အရမ်းကို ရိုးအီသွားသလို၊ ကိုယ် တကယ်လှိုက်လှိုက်လှဲလှဲ ကျေးဇူးတင်တဲ့ ခံစားချက်ကိုလည်း အပြည့်အဝ မပေးစွမ်းနိုင်ပါဘူး။

လက်တွေ့ဘဝမှာ 'အခြေအနေ' ပေါ်မူတည်ပြီး Native Speaker တွေလို ကျေးဇူးတင်စကားကို သဘာဝကျကျ ဘယ်လိုပြောင်းသုံးရမလဲ ဆိုတာကို ပြောပြပေးပါမယ်။

၁။ ပေါ့ပေါ့ပါးပါး ကျေးဇူးတင်ခြင်း (Casual Thanks)

သူငယ်ချင်းတွေ၊ ရင်းနှီးတဲ့ လုပ်ဖော်ကိုင်ဖက်တွေက ကိုယ့်ကို အကူအညီ သေးသေးမွှားမွှားလေးတွေ ပေးတဲ့အခါ (ဥပမာ - ကော်ဖီ ဝယ်တိုက်တာ၊ တံခါးဖွင့်ပေးတာ) မျိုးတွေမှာ သုံးဖို့ အကောင်းဆုံး စကားစုတွေပါ။

"Thanks a bunch!"

(ကျေးဇူး အများကြီးပဲကွာ)

— a lot အစား a bunch ကို သုံးလိုက်တာက ပိုပြီး ပေါ့ပေါ့ပါးပါးနိုင်တဲ့ အငွေ့အသက်ကို ပေးပါတယ်။

"Cheers!"
(ကျေးဇူးပဲ) — UK နဲ့ ဩစတြေးလျဘက်မှာ သူငယ်ချင်းအချင်းချင်း "Thanks" အစား အများဆုံး သုံးလေ့ရှိတဲ့ စကားလုံးပါ။

"You're the best!"

(မင်းကတော့ အကောင်းဆုံးပဲကွာ)

— ကိုယ့်အတွက် တကယ် အရေးတကြီး လိုအပ်နေတဲ့ အကူအညီတစ်ခုကို ပေးလိုက်တဲ့အခါ မြှောက်ပင့်ပြီး ကျေးဇူးတင်တဲ့ ပုံစံပါ။

"I owe you one!"

(မင်းကို ငါ ကျေးဇူးဆပ်ရဦးမယ်)

— နောက်တစ်ခါ မင်း အကူအညီလိုရင်လည်း ငါ ပြန်ကူညီပါ့မယ်ဆိုတဲ့ သဘောနဲ့ ရင်းနှီးစွာ ပြောတာပါ။

၂။ တရားဝင် ယဉ်ကျေးစွာ ကျေးဇူးတင်ခြင်း (Formal Thanks)

အလုပ်ကိစ္စနဲ့ ပတ်သက်လာရင်ဖြစ်ဖြစ်၊ လူကြီးသူမတွေကိုဖြစ်ဖြစ်၊ ဒါမှမဟုတ် ကိုယ့်ကို ကြီးကြီးမားမား ကူညီပေးလိုက်တဲ့သူကို လေးလေးနက်နက်နဲ့ ယဉ်ယဉ်ကျေးကျေး ကျေးဇူးတင်ချင်တဲ့အခါ သုံးရမယ့် စာကြောင်းတွေပါ။

"I really appreciate it."

(တကယ်ကို ကျေးဇူးတင် အသိအမှတ်ပြုပါတယ်)

— Thank you ထက် အများကြီး ပိုပြီး လေးနက်သလို၊ လုပ်ငန်းခွင်မှာလည်း အသုံးအများဆုံး စကားစုပါ။

"That's very kind of you."

(ခင်ဗျား အရမ်း သဘောကောင်းတာပဲဗျာ)

— ကိုယ့်ကို တစ်ခုခု လက်ဆောင်ပေးတဲ့အခါ၊ ကူညီပေးတဲ့အခါ ယဉ်ယဉ်ကျေးကျေး တုံ့ပြန်တဲ့နည်းပါ။

"I'm truly grateful."

(တကယ်ကို လှိုက်လှိုက်လှဲလှဲ ကျေးဇူးတင်ရှိပါတယ်)

— အရမ်းကို အရေးပါတဲ့ အကူအညီမျိုး ရလိုက်တဲ့အခါ စိတ်ရင်းအမှန်နဲ့ ကျေးဇူးတင်ကြောင်း ဖော်ပြတာ ဖြစ်ပါတယ်။

၃။ ကျေးဇူးတင်စကားကို ပြန်လည်တုံ့ပြန်ခြင်း (Replies to "Thank You")

တစ်ယောက်ယောက်က ကိုယ့်ကို "Thank you" လို့ ပြောလာရင် "You're welcome" လို့ပဲ အမြဲ ပြန်မဖြေပါနဲ့တော့။ ဒီစာကြောင်းလေးတွေ ပြောင်းသုံးကြည့်ပါ။

"No problem."

(ကိစ္စမရှိပါဘူး / ရပါတယ်)

— သူငယ်ချင်းတွေကြားမှာ အသုံးအများဆုံးနဲ့ အလွယ်ဆုံး အဖြေပါ။

"Don't mention it."

(ရပါတယ်ဗျာ၊ ကျေးဇူးတင်စရာတောင် မလိုပါဘူး)

— ကိုယ့်အတွက် ကူညီပေးလိုက်ရတာ သေးသေးလေးမို့ အားနာစရာ မလိုဘူးလို့ ယဉ်ယဉ်ကျေးကျေး ပြန်ဖြေတာပါ။

"My pleasure."

(ကူညီရတာ ကျွန်တော့်ရဲ့ ဝမ်းသာစရာပါ)

— ဒါကတော့ ဧည့်ဝတ်ကျေပွန်စွာနဲ့ Professional အဆန်ဆုံး ပြန်လည်တုံ့ပြန်နည်းပါ။

"Anytime!"

(အချိန်မရွေး ကူညီဖို့ အသင့်ပါပဲ) — ရင်းနှီးတဲ့သူတွေကို နွေးနွေးထွေးထွေး ပြန်ဖြေတဲ့အခါ သုံးပါတယ်။

နောက်တစ်ခါ ကိုယ့်ကို တစ်ယောက်ယောက်က ကူညီပေးတဲ့အခါ "Thank you" တစ်ခွန်းတည်းနဲ့ မရပ်ဘဲ အခု မျှဝေပေးခဲ့တဲ့ စာကြောင်းလေးတွေကို အခြေအနေနဲ့ ကိုက်ညီသလို အထာကျကျ ပြောင်းသုံးကြည့်လိုက်ကြရအောင်။

#Dee
#English
#learnenglish #englishlearning
#Crd

အင်္ဂလိပ်လို စကားပြောရတော့မယ်ဆိုရင် ခေါင်းထဲမှာ မြန်မာလို အရင်တွေးလိုက်တယ်

... ပြီးမှ အဲဒီစာကြောင်းကို အင်္ဂလိပ်လို ပြန်ဘာသာပြန် (Translate) တယ်... အဲဒီအခါမှ ပါးစပ်ကနေ အပြင်ကို အသံထွက်ပြီး ပြောလိုက်တယ်။

ဒီလို အဆင့် (၃) ဆင့်ကို ဖြတ်သန်းနေရတဲ့အတွက် ကိုယ်ပြောချင်တဲ့ စကားက နှေးကွေးသွားပြီး၊ တကယ့် Native Speaker တွေလို သဘာဝမကျဘဲ စက်ရုပ်ဆန်သွားတတ်ပါတယ်။

ဒီ "Translation Habit" (ဘာသာပြန်တဲ့ အကျင့်) ကို ဖျောက်ဖို့ဆိုရင် အကောင်းဆုံးနည်းလမ်းက "Think in English" (အင်္ဂလိပ်လို တွေးတဲ့ အကျင့်) ကို မွေးမြူဖို့ပါပဲ။ နိုင်ငံခြားသွားစရာမလိုဘဲ နေ့စဉ်ဘဝမှာ အင်္ဂလိပ်လိုတွေးတတ်အောင် အောက်ပါနည်းလမ်း (၃) ခုနဲ့ လေ့ကျင့်ကြည့်ပါ။

၁။ Label Everything (မြင်သမျှကို နာမည်တပ်ပါ)

အစပိုင်းမှာ စာကြောင်းအရှည်ကြီးတွေ တွေးဖို့ မလိုပါဘူး။ ကိုယ့်အိမ်ထဲမှာ တွေ့ရတဲ့ ပစ္စည်းတိုင်းကို အင်္ဂလိပ်လို နာမည်တပ်ကြည့်ပါ။ ဥပမာ - ရေချိုးခန်းထဲရောက်ရင် "Shower", "Soap", "Towel" စသဖြင့် မြင်သမျှကို မြန်မာလို မတွေးဘဲ အင်္ဂလိပ်လို တိုက်ရိုက်ခေါ်ဝေါ်တဲ့ အကျင့်ကို လုပ်ပါ။

၂။ Narrate Your Day (ကိုယ့်ရဲ့ နေ့စဉ်လှုပ်ရှားမှုကို စကားပြန်ပြောပါ)

ဒါကတော့ ကိုယ်လုပ်နေတဲ့ အရာတွေကို သတင်းကြေညာသူ တစ်ယောက်လို ကိုယ့်ကိုယ်ကိုယ် အင်္ဂလိပ်လို ပြန်ပြောပြနေတာပါ။ ဥပမာ — အိမ်က စိမ်းလန်းနေတဲ့ သစ်ပင်လေးတွေကို ရေလောင်းရင်း "I'm watering my plants. The leaves look so lush and green today." လို့ ကိုယ့်ကိုယ်ကိုယ် ပြောကြည့်ပါ။ ဒါမှမဟုတ် သဘာဝအလှအပတွေ ခံစားဖို့ ဆိုင်ကယ်နဲ့ ခရီးတိုလေး ထွက်လာတဲ့အခါ "I'm going for a short ride to enjoy nature." ဆိုပြီး ခေါင်းထဲကနေ ကြိတ်ပြီး တွေးကြည့်ပါ။ လွယ်ကူတဲ့ စကားလုံးလေးတွေနဲ့ ကိုယ့်ရဲ့ နေ့စဉ်ဘဝကို ပုံဖော်ပါ။

၃။ Dream in English (အိပ်ရာဝင်ခါနီး အင်္ဂလိပ်လို တွေးပါ)

အိပ်ရာမဝင်ခင် ၅ မိနစ်လောက် အချိန်ပေးပြီး ဒီနေ့ တစ်နေ့တာလုံး ကိုယ်ကြုံတွေ့ခဲ့ရတဲ့ အဖြစ်အပျက်လေးတွေကို အင်္ဂလိပ်လို ပြန်လည်သုံးသပ်ကြည့်ပါ။ ဒီနေ့ ဘာတွေလုပ်ခဲ့လဲ၊ ဘာတွေက စိတ်ပျော်စရာ ကောင်းခဲ့လဲ ဆိုတာကို အင်္ဂလိပ်လို ပြန်တွေးပြီးမှ အိပ်ရာဝင်ပါ။

ခေါင်းထဲမှာ ဘာသာပြန်နေတဲ့ ဒီအကျင့်ဆိုးကို အမြစ်ပြတ် ဖျောက်ဖျက်ချင်တယ်ဆိုရင် စိတ်ပညာရှင်တွေရဲ့ အဆိုအရ အနည်းဆုံး (၂၁) ရက် ဆက်တိုက် ပုံမှန် လေ့ကျင့်ပေးဖို့ လိုအပ်ပါတယ်။ ဒါကြောင့် ဒီနေ့ကစပြီး မြန်မာလိုတွေးမယ့်အစား မြင်သမျှ၊ လုပ်သမျှကို အင်္ဂလိပ်လို တိုက်ရိုက်တွေးနိုင်ဖို့ ချက်ချင်း စတင်လိုက်ရအောင်ပါ။

#Dee
#Crd
#English
#learnenglish #englishlearning

English စကားပြောတဲ့အခါ ကိုယ်က အကူအညီတစ်ခုခု တောင်းတော့မယ်ဆိုရင် "Can you...?" နဲ့ပဲ စပြောနေမိသလား?

အမှားတော့ မဟုတ်ပေမဲ့ တစ်ခါတလေကျရင် Can က နည်းနည်း Direct ဖြစ်လွန်းပြီး အမိန့်ပေးသံ (Command) ဆန်သွားတတ်ပါတယ်။း

ဒါကြောင့် ပိုပြီး ယဉ်ကျေးချင်ရင်၊ ပိုပြီး Professional ဆန်ချင်ရင် "Could you...?" ကို ပြောင်းသုံးကြည့်ဖို့ တိုက်တွန်းချင်ပါတယ်

ဘာတွေကွာခြားသွားလဲ?

1️⃣ "Can you...?" က "လုပ်ပေးနိုင်လား?" ဆိုတဲ့ သဘောမျိုးဖြစ်ပြီး ရင်းနှီးတဲ့သူတွေကြား သုံးတာ ပိုအဆင်ပြေပါတယ်။

"Could you...?" ကတော့ "လုပ်ပေးလို့ ရနိုင်မလားခင်ဗျာ/ရှင်" ဆိုတဲ့ ပိုပြီး Soft ဖြစ်တဲ့ အသံထွက်ပါတယ်

2️⃣ ကိုယ်နဲ့မရင်းနှီးသူတွေ၊ Customer တွေ၊ ဒါမှမဟုတ် ကိုယ့်ရဲ့ Boss နဲ့ စကားပြောတဲ့အခါ Could ကို သုံးတာက ကိုယ့်ရဲ့ Manners (အမူအကျင့်) ကောင်းမွန်မှုကို ပြသရာရောက်ပါတယ်။

ဘယ်လို သုံးမလဲ?

Can you open the door? (တံခါးဖွင့်ပေးနိုင်လား?)

👉 Could you open the door, please?

(တံခါးလေး တစ်ချက်လောက် ဖွင့်ပေးလို့ ရမလားခင်ဗျာ။)

Can you send me the report?

(Report ပို့ပေးနိုင်လား?)

👉 Could you possibly send me the report?

(ဖြစ်နိုင်ရင် Report လေး ပို့ပေးဖို့ အဆင်ပြေမလားခင်ဗျာ။)

Can you repeat that?

(ဘာပြောလိုက်တာလဲ ပြန်ပြောဦး?)

👉 Could you repeat that for me, please?

(အဲဒါလေးကို နောက်တစ်ခေါက်လောက် ပြန်ပြောပေးလို့ ရမလား။)

ပိုပြီးတော့တောင် ယဉ်ကျေးချင်သေးတယ်ဆိုရင် မေးခွန်းအဆုံးမှာ "please" လေး ထည့်လိုက်ဖို့ မမေ့ပါနဲ့ဦး

ဒါဆိုရင်တော့ သင်ဟာ အင်္ဂလိပ်စာကို စနစ်တကျနဲ့ ယဉ်ယဉ်ကျေးကျေး ပြောတတ်တဲ့သူတစ်ယောက် ဖြစ်လာမှာ အသေအချာပါပဲ

အင်္ဂလိပ်စာ တိုးတက်ဖို့ဆိုတာ အသေးအဖွဲလေးတွေကနေ စတာပါ။l

ဒီနေ့ကစပြီး "Can" နေရာမှာ "Could" လေး အစားထိုးသုံးကြည့်လိုက်ရအောင်! 🚀



#Dee
#Crd
#EnglishLearning
#Could vs can

Are you saying that...? (...လို့ ပြောတာလား)

၁။ ငါ့ကို မလိုဘူးလို့ ပြောနေတာလား။

Are you saying that you don't need me?

၂။ ငါ မှားတယ်လို့ ပြောနေတာလား။

Are you saying that I'm wrong?

၃။ ဒီအလုပ် မလုပ်ချင်ဘူးလို့ ပြောနေတာလား။

Are you saying that you don't want to do this job?

၄။ သူ လိမ်ခဲ့တယ်လို့ ပြောနေတာလား။

Are you saying that he lied?

၅။ ငါတို့ အချိန်ကုန်သွားပြီလို့ ပြောနေတာလား။

Are you saying that we've run out of time?

၆။ မင်း ထွက်မယ်လို့ ပြောနေတာလား။

Are you saying that you're leaving?

၇။ ဒါ ငါ့အမှားလို့ ပြောနေတာလား။

Are you saying that it's my fault?

၈။ ငွေမလုံလောက်ဘူးလို့ ပြောနေတာလား။

Are you saying that the money isn't enough?

၉။ ငါတို့ ဒီအစီအစဉ် ဖျက်ရမယ်လို့ ပြောနေတာလား။

Are you saying that we should cancel this plan?

၁၀။ မင်း ငါ့ကို မယုံဘူးလို့ ပြောနေတာလား။

Are you saying that you don't trust me?

ပိုရသွားအောင် Are you saying that...? သုံးပြီး ဥပမာတစ်ကြောင်းရေးသွားပါ။


#Crd
#Dee
#englishlanguage #thurainsenglish

[poll]

ကျောင်းမှာကတည်းက သင်ခဲ့ရတဲ့ "Hello, how are you? I am fine, thank you" ဆိုတာကြီးက မှားလားဆိုတော့ မမှားပါဘူး။

ဒါပေမယ့် နေ့တိုင်း ဒီစကားကြီးကိုပဲ ထပ်ခါတလဲလဲ ပြောနေရင် စက်ရုပ်လို ဖြစ်နေပြီး Native Speaker တွေ ပြောတဲ့ သဘာဝကျတဲ့ အငွေ့အသက်မျိုး မရနိုင်ပါဘူး။

တကယ်လို့ ဘန်ကောက်က Starbucks တစ်ခုခုမှာ ကော်ဖီလေးသောက်ရင်း ပြတင်းပေါက်ကနေ လမ်းသွားလမ်းလာတွေကို ငေးကြည့်နေတဲ့အချိန်... ရုတ်တရက် နိုင်ငံခြားသား သူငယ်ချင်းတစ်ယောက် ဆိုင်ထဲဝင်လာတယ် ဆိုပါစို့။ အဲဒီအခါ "Hello, how are you?" လို့ တောင့်တောင့်ကြီး နှုတ်ဆက်မယ့်အစား သုံးလို့ရမယ့် သဘာဝကျတဲ့ Greetings (၁၅) မျိုးကို အခြေအနေပေါ် မူတည်ပြီး ခွဲခြားပေးလိုက်ပါတယ်။နေ့တိုင်းနေ့တိုင်း ဒီ 15မျိုးကို စကားပြောတဲ့အခါ ထည့်သုံးဖြစ်အောင်သုံးကြည့်ပါ။

၁။ ပေါ့ပေါ့ပါးပါး နှုတ်ဆက်ခြင်း (Casual Greetings)

သူငယ်ချင်းတွေ၊ ရင်းနှီးတဲ့ လုပ်ဖော်ကိုင်ဖက်တွေနဲ့ နေ့စဉ်တွေ့တဲ့အခါ အသုံးအများဆုံး စကားစုတွေပါ။

၁. "Hey!" / "Hey there!" —

အလွယ်ကူဆုံးနဲ့ အသုံးအများဆုံး အာမေဍိတ် နှုတ်ဆက်စကားပါ။

၂. "What's up?" —

"ဘာတွေလုပ်နေလဲ / အခြေအနေ ဘယ်လိုလဲ" လို့ အဓိပ္ပာယ်ရပါတယ်။ (ပြန်ဖြေရင် များသောအားဖြင့် "Not much" လို့ ပေါ့ပေါ့ပါးပါး ဖြေလေ့ရှိပါတယ်)။

၃. "How's it going?" —

"အဆင်ပြေရဲ့လား / ဘယ်လိုလဲ" ဆိုပြီး မေးတာပါ။


၄. "Long time no see!" —

မတွေ့တာ ကြာပြီဖြစ်တဲ့ သူငယ်ချင်းတွေကို နှုတ်ဆက်တဲ့အခါ သုံးပါတယ်။

၅. "How are things?" —

အလုပ်တွေ၊ မိသားစုအခြေအနေတွေ အကုန်လုံး ခြုံငုံပြီး အဆင်ပြေရဲ့လားလို့ မေးတာပါ။

၂။ ယဉ်ကျေးစွာ နှုတ်ဆက်ခြင်း (Formal Greetings)

အလုပ်ကိစ္စနဲ့ တွေ့တဲ့အခါ၊ လူကြီးသူမတွေနဲ့ တွေ့တဲ့အခါ ဒါမှမဟုတ် ပထမဆုံးအကြိမ် စတင်သိကျွမ်းတဲ့အခါ သုံးပါတယ်။

၆. "Good morning / Good afternoon / Good evening" —

အချိန်ကာလပေါ် မူတည်ပြီး ယဉ်ကျေးစွာ နှုတ်ဆက်တဲ့ အခြေခံအကျဆုံး စကားပါ။

၇. "How do you do?" —

ဒါက မေးခွန်းမဟုတ်ပါဘူး။ ပထမဆုံးအကြိမ် စတွေ့တဲ့အခါ "တွေ့ရတာ ဝမ်းသာပါတယ်" ဆိုတဲ့ သဘောနဲ့ တရားဝင် နှုတ်ဆက်တာပါ။ (ပြန်ဖြေရင်လည်း "How do you do?" လို့ပဲ ပြန်ဖြေရပါတယ်)။

၈. "It's a pleasure to meet you." —

"ခင်ဗျားနဲ့ တွေ့ရတာ ဝမ်းသာပါတယ်" ဆိုပြီး ပထမဆုံးအကြိမ် မိတ်ဆက်တဲ့အခါ သုံးပါတယ်။

၉. "Pleased to meet you." —

အပေါ်က စာကြောင်းနဲ့ အဓိပ္ပာယ်တူတူပဲ ဖြစ်ပြီး နည်းနည်း ပိုတိုပါတယ်။

၁၀. "It's good to see you." —

သိပြီးသား လူတစ်ယောက်ကို တရားဝင်ပွဲတွေ၊ အစည်းအဝေးတွေမှာ ပြန်တွေ့တဲ့အခါ ယဉ်ယဉ်ကျေးကျေး နှုတ်ဆက်တဲ့ပုံစံပါ။

၃။ မေးခွန်းများကို ပြန်လည်ဖြေကြားခြင်း

"I'm fine" အစား ပြောင်းသုံးသင့်တဲ့ အမိုက်စား အဖြေများ ဖြစ်ပါတယ်။

၁၁. "Not bad" —

"မဆိုးပါဘူး" လို့ အဓိပ္ပာယ်ရပြီး အခြေအနေတွေ ပုံမှန်ရှိနေတဲ့အခါ သုံးပါတယ်။

၁၂. "Pretty good" —

"တော်တော်လေး ကောင်းပါတယ် / အဆင်ပြေပါတယ်" ဆိုတဲ့ Positive အဖြေပါ။

၁၃. "Can't complain" —

"ညည်းစရာမရှိပါဘူး" လို့ တိုက်ရိုက်အဓိပ္ပာယ်ရပြီး၊ ဘဝမှာ အရာရာ အဆင်ပြေချောမွေ့နေတဲ့အခါ သုံးပါတယ်။

၁၄. "Same old, same old" —

"အရင်အတိုင်းပဲပေါ့ဗျာ" လို့ ဆိုလိုတာပါ။ နေ့စဉ်ဘဝက သိပ်ထူးခြားမနေဘဲ ပုံမှန်လည်ပတ်နေတဲ့အခါ၊ ငြိမ်းငြိမ်းချမ်းချမ်း ဖြတ်သန်းနေရတဲ့အခါ သုံးလို့ကောင်းပါတယ်။

၁၅. "I'm doing great!" —

"အရမ်းကို အဆင်ပြေနေတယ်" ဆိုပြီး တက်တက်ကြွကြွနဲ့ ပြန်ဖြေချင်တဲ့အခါ သုံးပါ။

အင်္ဂလိပ်စာ ပြောတဲ့အခါ စာအုပ်ကြီးအတိုင်း အတိအကျ ပြောနေဖို့ထက်၊ မှန်ကန်တဲ့ အခြေအနေမှာ သဘာဝအကျဆုံး စကားလုံးတွေကို ရွေးချယ်သုံးတတ်ဖို့က ပိုအရေးကြီးပါတယ်။ ဒီ (၁၅) မျိုးကို နားရည်ဝနေအောင် မှတ်ထားရင် ဘယ်နေရာရောက်ရောက် ယုံကြည်မှုရှိရှိနဲ့ Native Speaker တွေလို နှုတ်ဆက်နိုင်ပြီ ဖြစ်ပါတယ်။

#Dee
#English
#learnenglish
#Crd

🗣️ Say vs Tell ဘယ်လိုကွာလဲ?

အကြမ်းဖျဉ်းအားဖြင့် နှစ်ခုလုံးက "ပြောသည်" လို့ အဓိပ္ပာယ်ရပေမဲ့ အနောက်ကလိုက်တဲ့ Structure (ဝါကျတည်ဆောက်ပုံ) မတူပါဘူး။

1. Say (တစ်စုံတစ်ခုကို ပြောဆိုခြင်း)

"Say" ကို သုံးတဲ့အခါ ဘယ်သူ့ကို ပြောတာလဲ ဆိုတာထက် ဘာပြောလိုက်တာလဲ (Message)ကို ပိုအဓိကထားပါတယ်။

"Say" ရဲ့ အနောက်မှာ နားထောင်သူ (Person) တန်းလိုက်လို့ မရပါဘူး။

Structure: Say + (something)

တစ်စုံတစ်ယောက်ကို ပြောတယ်လို့ သုံးချင်ရင် "to"ခံပေးရပါတယ်။

He said to me that he was tired.


2. Tell (တစ်စုံတစ်ယောက်ကို ပြောပြ/ညွှန်ကြားခြင်း)

"Tell" ကို သုံးတဲ့အခါ ဘယ်သူ့ကို ပြောတာလဲ (Person)ဆိုတာ အမြဲတမ်း ပါရပါတယ်။ သူ့နောက်မှာ နားထောင်သူ (Object) တန်းလိုက်ရပါတယ်။

Structure:Tell + (someone) + (something)

အလွယ်မှတ်နည်း

Say something (တစ်ခုခုကို ပြောသည်)

Tell someone (တစ်ယောက်ယောက်ကို ပြောပြသည်)


ဖတ်ရုံနဲ့မပြီးဘူးနော် အောက်ကလေ့ကျင့်ခန်းပါလုပ်သွားအုံး


Fill in the blanks (Say or Tell?)

1. Please __ me the truth.
2. What did you __?
3. He __ that he was busy.
4. Don't __ her about the surprise.

#English
#SelfStudy
#Dee

Vocabulary လေ့လာကြမယ်။ဒီVocabulary လေးတွေက နေ့စဉ်ဘဝမှာ အသုံးများတဲ့ စကားလုံးလေးတွေပါ။

1. Ambitious (adj) - ရည်မှန်းချက်ကြီးသော


အဓိပ္ပာယ် - တစ်ခုခုကို အောင်မြင်ဖို့ ဒါမှမဟုတ် ရရှိဖို့အတွက် ပြင်းပြတဲ့ ဆန္ဒရှိတာကို ဆိုလိုပါတယ်။

ဥပမာ- Liam is very ambitious; he aims to be the CEO of the company one day.

( လီယမ်က ရည်မှန်းချက် အရမ်းကြီးတယ်၊ သူက တစ်နေ့မှာ ကုမ္ပဏီရဲ့ CEO ဖြစ်လာဖို့ ရည်မှန်းထားတယ်။)

2. Nervous (adj) - စိတ်လှုပ်ရှားသော / စိုးရိမ်သော


အဓိပ္ပာယ် - တစ်ခုခုလုပ်ခါနီးမှာ စိုးရိမ်ပူပန်တာ၊ မသေချာသလို ခံစားရတာ ဒါမှမဟုတ် ကိုယ့်ကိုယ်ကိုယ် ယုံကြည်မှု အနည်းငယ် လျော့နည်းနေတဲ့ အခြေအနေမျိုးပါ။

ဥပမာ- He felt nervous before his first public speech, but he did really well.

(သူက ပထမဆုံးအကြိမ် လူပုံအလယ်မှာ စကားမပြောခင် စိတ်လှုပ်ရှားနေခဲ့ပေမဲ့ တကယ်တမ်းမှာတော့ အရမ်းကောင်းအောင် ပြောနိုင်ခဲ့ပါတယ်။)

3. Relative (n) - ဆွေမျိုး


အဓိပ္ပာယ် - သွေးသားတော်စပ်တာပဲဖြစ်ဖြစ်၊ အိမ်ထောင်ပြုလို့ တော်စပ်တာပဲဖြစ်ဖြစ် ပတ်သက်နေတဲ့သူ (ဆွေမျိုး) ကို ခေါ်တာပါ။

ဥပမာ -My aunt is a close relative of mine.

( ကျွန်တော့်ရဲ့ အဒေါ်က ကျွန်တော်နဲ့ တော်စပ်တဲ့ နီးစပ်သော ဆွေမျိုးတစ်ယောက် ဖြစ်ပါတယ်။)

4. Organised (adj) - စနစ်တကျရှိသော


အဓိပ္ပာယ် - အလုပ်တွေ၊ ပစ္စည်းတွေ ဒါမှမဟုတ် အစီအစဉ်တွေကို စနစ်တကျ စီစဉ်တတ်တာ၊ သေသပ်ကျနတာကို ပြောတာပါ။

ဥပမာ -She's so organised; her desk is always so neat.

( သူမက အရမ်းကို စနစ်တကျရှိတယ်၊ သူမရဲ့ စားပွဲက အမြဲတမ်း သပ်သပ်ရပ်ရပ် ရှိနေတတ်တယ်။)


5. Reliable (adj) /rɪˈlaɪəbl/ - အားကိုးထိုက်သော / ယုံကြည်စိတ်ချရသော


အဓိပ္ပာယ် - ကတိတည်တဲ့သူ၊ ခိုင်းထားတဲ့အလုပ်ကို သေချာပေါက် လုပ်ပေးတတ်တဲ့သူ ဒါမှမဟုတ် အမြဲတမ်း မှန်ကန်တဲ့သူကို ဆိုလိုတာပါ။

ဥပမာ - If you need help with your homework, ask Phyo; he is very reliable.

( မင်း အိမ်စာအတွက် အကူအညီလိုရင် ဖြိုးကိုမေးကြည့်၊ သူက အရမ်းအားကိုးထိုက်တဲ့သူ (ယုံကြည်စိတ်ချရတဲ့သူ) ပါ။)

ဒီစကားလုံး (၅) လုံးဟာ လူတစ်ယောက်ရဲ့ Character (စရိုက်)နဲ့ Feeling (ခံစားချက်) တွေကို ဖော်ပြတဲ့နေရာမှာ အသုံးဝင်ပါတယ်။

ဖတ်ရုံနဲ့မပြီးသေးပါဘူး ဒီစကားလုံး ၅လုံးကို စာကြောင်းတစ်ကြောင်းစီတည်ဆောက်ကြမယ် ။

Speaking Dialogue မှာထည့်ပြောမယ်။ Revision ခနခနပြန်မယ်။

လုပ်နိုင်ကြမယ်မလား ။

"Keep going"🤜🤛


#Dee
#SelfStudy
#EnglishVocabulary
#LearnEnglish

pinned «Hello! ဒီ Channel လေးကနေ ကြိုဆိုလိုက်ပါတယ်။ ✨ ဒီ Channel လေးမှာ English စာကို အခုမှ စလေ့လာမယ့်သူတွေနဲ့ Self-Study လုပ်နေသူတွေအတွက် နေ့စဉ်လေ့လာသင့်တဲ့ English စာလုံးတွေနဲ့ ဝေါဟာရတွေကို Post တွေအနေနဲ့ စုစည်းတင်ပေးသွားမှာပါ။ အင်္ဂလိပ်စာအပြင်... ✅ Lifestyle…»

Hello! ဒီ Channel လေးကနေ ကြိုဆိုလိုက်ပါတယ်။ ✨

ဒီ Channel လေးမှာ English စာကို အခုမှ စလေ့လာမယ့်သူတွေနဲ့ Self-Study လုပ်နေသူတွေအတွက် နေ့စဉ်လေ့လာသင့်တဲ့ English စာလုံးတွေနဲ့ ဝေါဟာရတွေကို Post တွေအနေနဲ့ စုစည်းတင်ပေးသွားမှာပါ။

အင်္ဂလိပ်စာအပြင်...
✅ Lifestyle tips
✅ Motivation & Advice
✅ General Knowledge
တွေကိုလည်း တစ်နေရာတည်းမှာ ဖတ်ရှုလို့ရအောင် တင်ပေးသွားမှာဖြစ်လို့ အတူတူ လေ့လာကြရအောင်နော်။


ထပ်စောင်းအနေနဲ့ Dee ရဲ့ Official Channel လေးနှစ်ခုကိုလည်းကြိုက်နှစ်သက်ပါက Join ပေးနိုင်ပါတယ်။

ဒီ Channel လေးမှာက
Knowledge ပိုင်းနဲ့ Experience , Life style tips, Educational resources အကြောင်းတွေတင်ပေးလျက်ရှိပါတယ်။

🖇️👇🏻

https://t.me/Knowlage_sharing


ဒီ Channel မှာက မှော်ပညာစိတ်ဝင်စားသူတွေအတွက် ကိုယ်လေ့လာထားသတဲ့ စာအုပ်တွေထဲက သိသင့်တဲ့ အ‌ ကြောင်းအရာလေူတွေရေးတင်ပေးလျက်ရှိပါတယ်၊ Subliminal, Affirmation Wallpaper တွေကိုတင်ပေးလျက်ရှိပါတယ်။


https://t.me/Magic_sharing

ကြိုက်နှစ်သက်တယ်၊စိတ်ဝင်စားတယ်ဆိုရင်တော့ Join လို့ရပါတယ်နော်။

#Dee
#LearnEnglish
#EnglishVocabulary
#SelfStudy

Channel photo updated

Channel created