Mohammed ElGhaleez

من فضل الله العظيم علينا أنه أرسل لنا رسوله الحبيب ﷺ برسالة عظيمة، هدفها الأساسي هو إصلاح الإنسان.

والإصلاح في الإسلام ماكانش مقتصر بس على إصلاح العقائد الفاسدة، لكن كمان اهتم بإصلاح الإنسان كله؛ نيته وأفعاله وأخلاقه وجوارحه.

ومن أهم الجوارح اللي الإسلام اهتم بتطهيرها وإصلاحها هو اللسان؛ لأن له دور كبير جدًا في حياتنا، فممكن يكون سبب في زيادة حسناتنا ورفعة درجاتنا، وممكن يكون سبب في زيادة سيئاتنا وهلاكنا، والعياذ بالله.

فعن معاذ بن جبل رضي الله عنه أنه قال: يَا رسُولَ اللَّهِ وإنَّا لمُؤَاخَذون بمَا نَتَكلَّمُ بِهِ؟ فقَال ﷺ: "ثَكِلتْكَ أُمُّكَ يا معاذُ، وهَلْ يَكُبُّ النَّاسَ فِي النَّارِ عَلَى وَجُوهِهِم إلاَّ حصَائِدُ ألْسِنَتِهِمْ؟"

وعشان كده هنتكلم معاكم عن بعض آفات اللسان، وإزاي نتعامل معاها، وإزاي نجاهد نفسنا ونصلح ألسنتنا، عشان كلامنا يكون سبب في دخولنا الجنة بإذن الله.

انتظرونا في سلسلة #آفات_اللسان

t.me/moh_elghaleez

السلام عليكم ورحمة الله وبركاته
صباح الخير يا شباب

ساعات تبص حواليك وتحس إن الناس كلها بتسبقك!
ده خلّص دراسته، وده بدأ شغله، ودي حققت حاجة كانت بتحلم بيها، وده حياته اتغيرت تمامًا..
وإنت لسه بتحاول ترتّب حياتك، أو تبدأ من جديد، أو حتى تفهم إنت محتاج تعمل إيه.

فتبدأ تقيس نفسك بمراحل الناس، وتحس إنك متأخر!

لكن ليه تحس بكده؟
هل لأنك موصلتش لنفس المكان اللي وصله غيرك في نفس العمر؟
هل لأن طريقك أخد وقت أطول؟
هل لأنك احتجت تتوقف وتتعافى وتعيد ترتيب أولوياتك؟

طب وإيه المشكلة؟!
مش كل الناس بدأت من نفس النقطة، ولا عندها نفس الظروف، ولا بتحمل نفس المسئوليات..
كل واحد فينا له قصته الخاصة به، وكله قضاء وقدر..
ومش معنى إن حد سبقك في جانب من جوانب الحياة إنه سبقك في الحياة كلها.

قال تعالى: ﴿وَأَنْ لَيْسَ لِلْإِنْسَانِ إِلَّا مَا سَعَى﴾
فالمطلوب منك تسعى، وتتعلم، وتراجع طريقك، وتستفيد من وقتك قدر استطاعتك..
أما النتائج فدي مش بتاعتك ولا بإيدك.

ابدأ من مكانك، وبالإمكانيات المتاحة لك، واستعن بالله ولا تعجز.

t.me/moh_elghaleez

يارب يارب يارب 🤲
اللهم يا سامع النداء يا مجيب الدعاء
اللهم ياحي ياقيوم برحمتك نستغيث أصلح لنا شأننا كله ولا تكلنا إلى أنفسنا طرفة عين
اللهم اشرح صدورنا وتولى أمورنا
اللهم اكفنا بحلالك عن حرامك وبفضلك عمن سواك
اللهم عافيتك أوسع لنا
اللهم عافنا في أبداننا وقلوبنا
اللهم اهد قلوبنا واغفر ذنوبنا
اللهم انفعنا وانفع بنا
اللهم ارزقنا العلم النافع والعمل الصالح
اللهم استعملنا ولا تستبدلنا
اللهم اجعلنا في طاعتك وخدمة دينك
اللهم لا تجعلنا ظالمين ولا تسلط علينا ظالم
اللهم لا تسلط علينا بذنوبنا من لا يخافك فينا ولا يرحمنا
اللهم ارزقنا عيشة هنية وميتة سوية ومردا غير مخزي ولا فاضح
اللهم استرنا فوق الارض وتحت الأرض ويوم العرض
اللهم اجمعنا تحت ظل عرشك يوم لا ظل إلا ظلك
اللهم ارزقنا الفردوس الأعلى من الجنة
اللهم اهد أولادنا وارزقهم الصحبة الصالحة
اللهم اجعلنا مقيمي الصلاة ومن ذرياتنا
ربنا وتقبل دعاء🤲🏻
ارفعوا أيديكم بالدعاء، واسألوا الله من واسع فضله
ولا تنسونا من صالح دعائكم.

#دعاء #آخر_ساعة #الجمعة

هتفضل لغاية إمتى متردد تاخد خطوة جديدة في حياتك؟!
العمر بيجري، والفرصة اللي بتعدي ممكن ما ترجعش تاني!

إنت مش مطلوب منك تكون متسرع أو متهور..
بالعكس..
إنت لازم تفكر في الخطوة دي كويس، وتستخير ربنا عز وجل فيها، وتستشير أهل الخبرة الثقات، وتدعي ربنا يهديك ويسددك ويوفقك لما يحبه ويرضاه سبحانه..

ثم إذا عزمت؛ فتوكل على الله..
ومن يتوكل على الله؛ فهو حسبه.

t.me/moh_elghaleez

السلام عليكم ورحمة الله وبركاته
صباح الخير يا شباب

قال رسول الله ﷺ: "أَضَلَّ اللهُ عَنِ الجُمُعَةِ مَن كانَ قَبلَنا، فكانَ لِليَهودِ يَومُ السَّبتِ، وكانَ لِلنَّصارى يَومُ الأحَدِ، فجاءَ اللهُ بنا فهَدانا اللهُ ليَومِ الجُمُعةِ..."

فالحمد لله الذي هدانا ليوم الجمعة..
والحمد لله الذي هدانا للإسلام، وهدانا للطاعة، وعرّفنا طريق الخير.

الحمد لله على نعمة يومٍ اختاره الله لنا، وجعل فيه من الفضائل والعبادات ما يجعله لنا عيدًا، وفرصة متجددة للخير والقرب من الله.

فاغتنموا يوم الجمعة..
وأكثروا من الذِّكر والصلاة على النبي ﷺ، ولا تنسوا قراءة سورة الكهف، وأكثروا من الدعاء، واغتنموا ساعات هذا اليوم المبارك.

اللهم بارك لنا في يوم الجمعة، واغفر لنا ذنوبنا، واهدِ قلوبنا واجعل فيها من الخير والرحمة والبركة ما يقربنا إليك.

ولا تنسونا من صالح دعائكم.

t.me/moh_elghaleez

الموت هو الحقيقة التي لا يُستثنى منها أحد!
حتى آدم عليه السلام أبو البشر أول إنسان خلقه الله لم يكن خالدًا في الدنيا، قال الله تعالى: ﴿كُلُّ نَفْسٍ ذَائِقَةُ الْمَوْتِ﴾..

كل نفس بلا استثناء!
حتى خير خلق الله ﷺ قال الله له: ﴿إِنَّكَ مَيِّتٌ وَإِنَّهُم مَّيِّتُونَ﴾.

ولكن هل الموت هو النهاية؟!
لا، فالموت هو بداية رحلة الخلود والحياة الحقيقية التي لا موت بعدها أبدًا.

قال الله تعالى: ﴿وَأَنَّ إِلَىٰ رَبِّكَ الْمُنتَهَىٰ﴾
إليه سبحانه ينتهي كل شيء، وسنقف بين يديه للحساب؛ ولذلك وجب علينا أن نستعد من الآن لهذا اللقاء فقد قال الله سبحانه: ﴿وَاتَّقُوا يَوْمًا تُرْجَعُونَ فِيهِ إِلَى اللَّهِ ۖ ثُمَّ تُوَفَّىٰ كُلُّ نَفْسٍ مَّا كَسَبَتْ وَهُمْ لَا يُظْلَمُونَ﴾.

فالدنيا مهما طالت قصيرة، وأن الإنسان مهما طال عمره سيموت، وأن أعظم نجاح ليس أن تعيش أطول بل أن تعيش لله!
قال تعالى: ﴿الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا﴾..

فاللهم ارزقنا حُسن النية، وحُسن العمل، وحُسن الختام.

#علمني_أبي
#تلك_الرسل

t.me/moh_elghaleez

السلام عليكم ورحمة الله وبركاته
صباح الخير يا شباب

مش كل الناس ثغرها واحد..
فيه واحد ربنا فتح له باب في تعليم القرآن، وواحد في طلب العلم، وواحد في الدعوة ومساعدة الناس، وواحد في خدمة أهله، وواحد ربنا رزقه مهارة يقدر يستخدمها في الخير.

فمتبصش لثغر غيرك وتفتكر إنك لازم تعمل زيه!
دورك إنك تدور على الثغر اللي يناسبك، والباب اللي ربنا فتحه لك، وتبدأ منه..
شوف إيه اللي تقدر عليه أو بتعرف تعمله..
وإيه الباب اللي تقدر تستمر فيه وتنفع من خلاله غيرك.

ومتستصغرش الثغر اللي اخترته مهما كان هو إيه لمجرد شعورك بإنه بسيط..
يمكن كلمة طيبة تقولها في وقتها، أو علم تعلمه لحد، أو مساعدة تقدمها لغيرك، أو خير تدل عليه؛ يكون عند الله أعظم مما تتخيل!

دورك موجود، لكن محتاج تدور عليه..
وادعُ الله عز وجل دائمًا أن يستعملك في طاعته، ويجعل لك دورًا في نصرة دينه ونفع عباده.

t.me/moh_elghaleez

حين يصبح الحجاب جريمة على أبواب المدارس!
تخيّل معلمةً أفنت ثلاثةً وعشرين عامًا من عمرها بين السبورة والكتب ووجوه التلاميذ، ثم يأتي يوم تُمنع فيه من دخول مدرستها، لا لأنها قصّرت في رسالتها، ولا لأنها أساءت إلى طالب، بل لأن على رأسها حجابًا!
هذه ليست قصةً من الخيال؛ إنها بعض ما عاشته المعلّمة الأذربيجانية «جلشان علييفا»، التي مُنعت من دخول مدرستها، ومُنعت ابنتها كذلك!
وفي مدارس أخرى، وجدت معلمات وطالبات أنفسهن أمام اختيار موجع: إما الحجاب وإما التعليم والعمل!
قواعد جديدة للزي المدرسي في أذربيجان، باسم الحفاظ على علمانية التعليم، لم تحظر الحجاب صراحةً، لكنها تحولت في بعض المدارس إلى أبواب مغلقة في وجوه المحجبات!
يا لوجع تلك اللحظة!
طالبة تحمل حقيبتها وأحلامها، تقف عند باب الفصل، تسمع أصوات زميلاتها من الداخل، ولا تستطيع الدخول!
ومعلمة تحفظ أسماء تلميذاتها، وتعرف أحلامهم، تقف خارج المكان الذي بذلت فيه أجمل سنوات عمرها!
ألهذه الدرجة أصبح الحجاب مخيفًا بابنسبة للعلمانية؟!
وهل يعطّل الحجاب درسًا في الرياضيات؟ أم يحجب نور العلم عن العقول؟!
ألم يقل الله تعالى:
﴿يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ﴾ [الأحزاب: 59]؟
فكيف تُجبَر امرأة على الاختيار بين امتثال أمر ربها وحقها في التعلّم أيها الظالم العلماني؟!
وكيف يتحوّل باب المدرسة، الذي ينبغي أن يفتح الآفاق، إلى حاجز يفصل الإنسان عن دينه وكرامته؟!
قال رسول الله ﷺ: «اتَّقُوا الظُّلْمَ، فَإِنَّ الظُّلْمَ ظُلُمَاتٌ يَوْمَ الْقِيَامَةِ» رواه أحمد، ثم تضيق بامرأة أرادت أن تستر شعرها طاعةً لربها؟!
يا أهل أذربيجان، ليست دموع هؤلاء النساء شأنًا بعيدًا عنّا؛ إنها وجع أخوات لنا في الدين، وامتحان لضمير الإنسانية المزعومة.
اللهم ثبّت قلوبهن، واجبر كسرهن، وارفع عنهن الظلم، وافتح لهن أبواب العلم والكرامة والرحمة.

بعد أن عاش آدم عليه السلام على الأرض وبدأت ذريته تنتشر، جاء أول اختبار بين اثنين من أبناءه؛ قابيل وهابيل!

قال الله تعالى: ﴿وَاتْلُ عَلَيْهِمْ نَبَأَ ابْنَيْ آدَمَ بِالْحَقِّ إِذْ قَرَّبَا قُرْبَانًا فَتُقُبِّلَ مِنْ أَحَدِهِمَا وَلَمْ يُتَقَبَّلْ مِنَ الْآخَرِ...﴾

قرَّب كل منهما قربانًا لله عز وجل؛ فتُقُبِّل من أحدهما ولم يُتَقَبَّل من الآخر..

وهنا ظهر المرض المُفسِد للقلب؛ الحسد!

فقال قابيل لأخيه هابيل: ﴿لَأَقْتُلَنَّكَ﴾
جملة قصيرة لكنها كانت بداية أول جريمة قتل في تاريخ البشرية!

لماذا أراد أن يقتل أخاه؟
لأن قلبه لم يتحمل رؤية الخير الذي حُرِم منه عند غيره.

وهنا تكمن خطورة الحسد!
فالحاسد لا يتوقف الأمر عنده على كراهية وجود النعمة عند غيره، بل قد يصل أحيانًا لتمني زوالها من عنده ولو لم يحصل هو عليها!

نعم قد يصل به الأمر لذلك من شدة تمكن المرض منه!

وكان بإمكان هابيل أن يرد الغضب بغضب، والتهديد بتهديد، والقوة بالقوة، لكنه قال: ﴿إِنَّمَا يَتَقَبَّلُ اللَّهُ مِنَ الْمُتَّقِينَ﴾ وكأنه يقول له: المشكلة في عملك وتقواك.

ثم أردف قائلا: ﴿لَئِن بَسَطتَ إِلَيَّ يَدَكَ لِتَقْتُلَنِي مَا أَنَا بِبَاسِطٍ يَدِيَ إِلَيْكَ لِأَقْتُلَكَ ۖ إِنِّي أَخَافُ اللَّهَ رَبَّ الْعَالَمِينَ﴾..

لم يكن هابيل ضعيفًا أو عاجزًا أو جبانًا بل كان تقِيًّا يخشى الله عز وجل.

وهنا درس عظيم!
القوة الحقيقية تكمن في قدرتك على التحكم في نفسك ورد فعلك كما قال النبي ﷺ: "ليس الشَّديدُ بالصُّرَعةِ، إنَّما الشَّديدُ الذي يَملِكُ نَفسَه عِندَ الغَضَبِ".

ثم ماذا كان من قابيل؟
﴿فَطَوَّعَتْ لَهُ نَفْسُهُ قَتْلَ أَخِيهِ فَقَتَلَهُ فَأَصْبَحَ مِنَ الْخَاسِرِينَ﴾..

وهنا تكمن خطورة الاستجابة للنفس الأمارة بالسوء!
سهّلت له المعصية وزيّنتها في عينه وقلبه؛ فاتبعها وكان من الخاسرين..

وبعد الخسارة جاء الندم!
﴿فَبَعَثَ اللَّهُ غُرَابًا يَبْحَثُ فِي الْأَرْضِ لِيُرِيَهُ كَيْفَ يُوَارِي سَوْءَةَ أَخِيهِ ۚ قَالَ يَا وَيْلَتَا أَعَجَزْتُ أَنْ أَكُونَ مِثْلَ هَٰذَا الْغُرَابِ فَأُوَارِيَ سَوْءَةَ أَخِي ۖ فَأَصْبَحَ مِنَ النَّادِمِينَ﴾..

فإياك أن تتبع هواك في غير مرضاة الله عز وجل وتذكّر قوله سبحانه: ﴿وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ * فَإِنَّ ٱلۡجَنَّةَ هِیَ ٱلۡمَأۡوَىٰ﴾..

واعمل على إصلاح قلبك؛ ليصلح طريقك إلى الله عز وجل، فالنبي ﷺ قال: "ألا وإنَّ في الجَسَدِ مُضغةً إذا صَلَحَت صَلَحَ الجَسَدُ كُلُّه، وإذا فسَدَت فسَدَ الجَسَدُ كُلُّه، ألا وهي القَلبُ".

#علمني_أبي
#تلك_الرسل

t.me/moh_elghaleez

السلام عليكم ورحمة الله وبركاته
صباح الخير يا شباب

قال رسول الله ﷺ: «أَحَبُّ الأعمالِ إلى اللهِ أدْومُها وإن قَلَّ»..

فيه حاجات بنبدأها بحماس كبير، لكن بعد كام يوم الحماس يقل، ونرجع تاني لنقطة الصفر!

خليك عارف إنك مش لازم تعمل حاجة كبيرة جدًا مرة واحدة، وبعدها تنقطع..
لكن ممكن تعمل عمل صالح بسيط، وتستمر عليه..

صفحة قرآن كل يوم، ركعتين قيام تحافظ عليهم، ذِكر بسيط تداوم عليه..
المهم إن الطاعة يبقى ليها مكان ثابت في حياتك.

ومتستصغرش العمل القليل لمجرد إنه قليل!
يمكن ركعتين أو صفحة قرآن تحافظ عليهم كل يوم يكونوا سبب في ثبات قلبك، وتغيير علاقتك بالله عز وجل..
ويمكن عادة صغيرة تفضل عليها سنين تكون أحب إلى الله من أعمال كتيرة متقطعة.

فلو إنت عايز تبدأ في طاعة جديدة؛ متحطش لنفسك هدف يخليك تتحمس يومين وتتعب بعدها..
ابدأ بحاجة تقدر عليها، واستمر عليها، وزوّد بالتدريج مع الوقت.

وافتكر إن مش المهم تبدأ بأكبر قدر!
المهم إنك تفضل ماشي في الطريق؛ لأن الطريق إلى الله مش مجرد سباق حماس، ده طريق ثبات واستمرار.

t.me/moh_elghaleez

فصل جديد بدأ في قصة حياة آدم عليه السلام بعد أن نزل على الأرض..

الأرض التي فيها تعب وألم، ليل ونهار، مرض وموت،
وصراع بين الحق والباطل.

ولكن كان هذا النزول أمر مقدور، وكانت الأرض جزءًا من القصة منذ البداية ﴿إِنِّي جَاعِلٌ فِي الْأَرْضِ خَلِيفَةً﴾..

وأصبحت الأرض مكانًا للاستقرار، والعمل، وميدانًا للاختبار، ولكنها ليست النهاية!
قال الله تعالى: ﴿...وَلَكُمْ فِي الْأَرْضِ مُسْتَقَرٌّ وَمَتَاعٌ إِلَىٰ حِينٍ﴾..

أي أن وجودنا فيها مؤقت..
رحلة نعيش فيها عدد من السنوات، نعمل ونسعى، ثم نموت ونُبعث إلى رب العباد.

ومن رحمة الله بنا أنه لم يتركنا سبحانه بلا هداية وإرشاد ﴿فَإِمَّا يَأْتِيَنَّكُم مِّنِّي هُدًى فَمَن تَبِعَ هُدَايَ فَلَا يَضِلُّ وَلَا يَشْقَى﴾..

نعم الأرض مليئة بالفتن، والشيطان عدو متربص، والإنسان ضعيف..

لكن هناك هدى من الله!
كتب ورُسُل ونور يضيء الطريق..
ومن يتبع الهدى ﴿فَلَا يَضِلُّ وَلَا يَشْقَى﴾..

فاللهم اهدنا لطريقك، وثبتنا عليه؛ حتى نلقاك وأنت راضٍ عنّا.

#علمني_أبي
#تلك_الرسل

t.me/moh_elghaleez

السلام عليكم ورحمة الله وبركاته
صباح الخير يا شباب

العمر بيعدي أسرع بكتير مما إحنا متخيلين..
والوقت اللي بنقول فيه: "لسه بدري"، بنلاقي نفسنا بعدها بنسأل: هو جرى كده إمتى؟!
فعشان كده، محتاج من وقت للتاني تقف وتراجع نفسك ووقتك..

مش لازم تكون بتعمل حاجة غلط عشان تكون بتضيّع وقتك..
لكن ممكن يكون جزء كبير من يومك بيروح في حاجات ملهية، مفيهاش خير حقيقي، وبتاخد منك ساعة ورا ساعة، لحد ما اليوم يخلص وإنت مش عارف راح فين!

فحاول تصون وقتك، وخلي في يومك حاجة، كل ما تبص عليها بعد فترة تقول: "الحمد لله، الوقت ده مراحش على الفاضي".

t.me/moh_elghaleez

بعد ما أنهينا رحلتنا مع سورة ”المُلك“
دي كانت خلاصة الكنز اللي عشناه معاها ⬇️

▪︎ بدأنا بـ ﴿تَبَـٰرَكَ ٱلَّذِی بِیَدِهِ ٱلۡمُلۡكُ﴾..
وعرفنا إن اللي خلق الكون المحكم ده مش بيسيب حاجة للصدفة، وتدبيره لحياتك أدق مما تتخيل.

▪︎ وبعدها انتقلنا لـ (الاختبار)..
وفهمنا إننا في لجنة امتحان: ﴿لِیَبۡلُوَكُمۡ أَیُّكُمۡ أَحۡسَنُ عَمَلࣰا﴾؛ يعني المطلوب منك تعمل العمل بإتقان وإخلاص.

▪︎ وكمان اتعلمنا إن أحد مفاتيح الجنة هو: ﴿یَخۡشَوۡنَ رَبَّهُم بِٱلۡغَیۡبِ﴾، لأن خوفك من ربنا وأنت لوحدك هو أحد الاختبارات الحقيقية لقوة إيمانك.

▪︎ وعرفنا بعدها روشتة السعي والرزق 🗒️
ربنا ذللنا الأرض وقالنا: ﴿فَٱمۡشُوا۟ فِی مَنَاكِبِهَا﴾..
يعني اسعى بكل قوتك وخد بالأسباب المباحة، بس خلي قلبك متعلق بالرزاق مش بالرزق.

▪︎ وكمان بصينا للطير ولقينا إن: ﴿مَا یُمۡسِكُهُنَّ إِلَّا ٱلرَّحۡمَـٰنُ﴾ فاللي شايل الطير في الهوا، قادر يشيل همك ويسندك في أضعف حالاتك.

▪︎ وختمنا رحلتنا بـ ﴿فَمَن یَأۡتِیكُم بِمَاۤءࣲ مَّعِینٍ﴾..
تذكرة إن أصغر نعمة (شَربة المياه) لو ربنا منعها مفيش قوة في الأرض ترجعها؛ فاشكر المُنعِم.

💡سورة المُلك بتعلمك تعيش "عَزيز" بالله، "مُتقن" في عملك، "مُطمئن" لرزقه سبحانه، و"مُستعد" دايمًا للقائه.

⚠️ ودلوقتي جاه دورك تكون من أصحاب سورة المُلك، وتقرأها كل ليلة قبل ما تنام فتكون اتبعت سنة النبي ﷺ، وكمان تفوز بشفاعتها بإذن الله.

رحلتنا مع سورة المُلك انتهت لكن لسه مكملين رحلة مع كلام الله عز وجل، فانتظرونا قريبًا إن شاء الله مع رحلة جديدة ✈️

#سورة_المُلك
#رحلة_مع_كلام_الله

السلام عليكم ورحمة الله وبركاته
صباح الخير يا شباب

سيدنا عمر بن الخطاب رضي الله عنه كان له كلمة قوية جدًا، تستوقف أي حد حاسس إن أيامه بتضيع منه!

كان بيقول: «إني لأكره أن أرى أحدكم سَبَهْلَلًا؛ لا في عمل دنيا، ولا في عمل آخرة».

يعني إيه «سَبَهْلَلا»؟
يعني إنسان سايب نفسه فاضي من غير عمل..
لا هو بيجتهد في دنياه، ولا مهتم بآخرته!!

يعني مثلًا لا بيشتغل ولا بيدرس بضمير، ولا بيحاول يطور من نفسه ويبني مستقبله..
ولا بيحافظ على صلاته، ولا بيجاهد نفسه في فعل الطاعة والبُعد عن المعصية..

والأخطر إن الأيام بتعدي وهو مش واخد باله!
يوم ورا يوم، وفجأة يكتشف إن سنين كتير عدت، وهو لسه مكانه.

وعشان كده إوعى تنسى إن يومك اللي بيبدأ دلوقتي ده رأس مالك؛ فما تسيبهوش يعدي منك من غير قيمة.

وصلنا لمحطتنا الأخيرة ومسك الختام مع سورة المُلك، والآيات هنا قوية جدًا وبتحط الكفار قدام الحقيقة اللي بيحاولوا يهربوا منها!

بتبدأ المحطة برد حاسم على المشركين اللي كانوا بيتمنوا موت النبي ﷺ والمؤمنين عشان يرتاحوا من الدعوة: ﴿قُلۡ أَرَءَیۡتُمۡ إِنۡ أَهۡلَكَنِیَ ٱللَّهُ وَمَن مَّعِیَ أَوۡ رَحِمَنَا فَمَن یُجِيرُ ٱلۡكَـٰفِرِینَ مِنۡ عَذَابٍ أَلِیمٍ﴾ يعني لو حتى ربنا توفى النبي ﷺ واللي معاه، ده هيغيّر إيه في مصيركم؟! ومين اللي هيحميكم من عذاب ربنا اللي مستنيكم؟!
موت المؤمنين مش هينقذ الكافرين من الحساب.

وبعد كده بيجي إعلان الثقة واليقين: ﴿قُلۡ هُوَ ٱلرَّحۡمَـٰنُ ءَامَنَّا بِهِۦ وَعَلَیۡهِ تَوَكَّلۡنَاۖ فَسَتَعۡلَمُونَ مَنۡ هُوَ فِی ضَلَـٰلࣲ مُّبِینࣲ﴾ إحنا معتمدين على "الرحمن" ومسلمين أمورنا له، وبكره هتعرفوا مين فينا اللي كان تايه ومين اللي كان ماشي صح.

وده يعلمنا ⬅️ إنك تكون دايمًا فخور بإيمانك ومطمن لربك ولما تلاقي الدنيا بتخبط حواليك؛ تقول بقلبك "هو الرحمن آمنّا به وعليه توكلنا"، الكلمة دي لوحدها كفيلة تملأ قلبك أمان.

وفي ختام السورة، ربنا بيضربلنا مثال بنعمة إحنا بنتعامل معاها إنها "مضمونة" وهي نعمة المياه: ﴿قُلۡ أَرَءَیۡتُمۡ إِنۡ أَصۡبَحَ مَاۤؤُكُمۡ غَوۡرًا فَمَن یَأۡتِیكُم بِمَاۤءٍ مَّعِینٍ﴾ تخيل لو المياه اللي بتشربها دي غارت في الأرض ومابقتش عارف تطولها لا بآلات ولا بحفر، مين في الكون كله يقدر يجيبلك مياه جارية ونقية غير الله؟!

⚠️ وهنا بنقابل لمحة لطيفة وهي ⬅️ إن السورة بدأت بـ ﴿تَبَـٰرَكَ ٱلَّذِی بِيَدِهِ الْمُلْكُ﴾ وختمت بمثال "المياه" عشان تفكرنا إن كل تفصيلة في حياتنا، من أصغر شربة مياه لأكبر مجرة في السما، هي تحت تدبير المَلك سبحانه.

#سورة_المُلك
#رحلة_مع_كلام_الله

السلام عليكم ورحمة الله وبركاته
صباح الخير يا شباب

لما الموبايل بيهنج منك، أول حاجة بتفكر فيها إنك تعمله Restart عشان يرجع يشتغل بسرعة..

تخيل بقى إن قلبك ونفسيتك بالظبط محتاجين الـ Restart ده كل فترة!

زحمة الشغل، ومسؤوليات البيت، والضغط النفسي، والذنوب الصغيرة اللي ورا بعض؛ كل ده ممكن يعمل «تهنيج» في روحك.

تلاقي نفسك مش قادر تسمع نصيحة، خُلقك ضيق، والعبادة تقيلة عليك، ومش فاهم إيه اللي حصلك!

فنصيحة..
اقفل موبايلك شوية خلال اليوم، واقعد في مكان هادي استغفر ،وصلّي ركعتين..
راجع نفسك، وابعد شوية عن دوشة الدنيا، ووجدّد علاقتك بربنا بالتوبة والعمل الصالح.

روحك محتاجة صيانة دورية؛ فمتستناش لحد ما تطفي خالص!

تخيل لو قدامك شخصين؛ واحد ماشي وكأنه مكفي على وشه مش شايف الخطوة الجاية وبيتكعبل كل شوية..

والتاني ماشي بجسم مفرود مستقيم، وعين شايفة الهدف وماشي في طريق ممهد وواضح..

تفتكر مين اللي هيوصل؟

ربنا عز وجل بيضربلنا المثل ده عشان يصورلنا الفرق بين حال الكافر وحال المؤمن ﴿أَفَمَن یَمۡشِی مُكِبًّا عَلَىٰ وَجۡهِهِۦۤ أَهۡدَىٰۤ أَمَّن یَمۡشِی سَوِیًّا عَلَىٰ صِرَ ٰ⁠طࣲ مُّسۡتَقِیمࣲ﴾..
الكافر ماشي تايه مش شايف قدامه بسبب ظلمة عناده وكفره!
أما المؤمن فماشي بخريطة نجاة ونور من ربنا وعارف هو رايح فين بالضبط.

⚠️ وهنا بنعرف إن الدنيا دي كلها ⬅️ متاهة!
لو مشيت فيها من غير "خريطة" القرآن؛ هتلاقي نفسك غرقان في الهموم والحيرة والضلال.

فخليك ماشي مستقيم بطاعاتك وقربك من ربنا؛ عشان خطواتك تكون ثابتة وفي الاتجاه الصح.

وعشان مايكونش فيه حِجة للكفار، ربنا بيذكّرهم بـ "النِّعم" الكتيييير اللي أنعم عليهم بيها، فقال تعالى: ﴿...هُوَ ٱلَّذِیۤ أَنشَأَكُمۡ وَجَعَلَ لَكُمُ ٱلسَّمۡعَ وَٱلۡأَبۡصَـٰرَ وَٱلۡأَفۡـِٔدَةَ...﴾ ربنا أعطاكم السمع والبصر والقلب عشان تدركوا بيهم الحق..

بس للأسف ﴿قَلِیلࣰا مَّا تَشۡكُرُونَ﴾ يعني قليل اللي بيقدّر قيمة الحواس دي وبيستخدمها في اللي يرضي خالقها!

وهنا يقابلنا درس مهم ⬅️ إن الشكر مش بس كلمة باللسان، الشكر الحقيقي إنك تستخدم النِّعم فيما يرضى الله عز وجل، وتخلي قلبك دايمًا موصول بالله.

⚠️ وبعدها ربنا بيأكد حقيقة تقطع الشك باليقين..
﴿قُلۡ هُوَ ٱلَّذِی ذَرَأَكُمۡ فِی ٱلۡأَرۡضِ وَإِلَیۡهِ تُحۡشَرُونَ﴾ هو اللي خلقكم في الأرض دي، وإليه وحده الرجوع للحساب، مش لأصنام ولا لبشر.

لكن المكذبين بدل ما يستعدوا، بيسألوا باستهزاء: ﴿مَتَىٰ هَـٰذَا ٱلۡوَعۡدُ إِن كُنتُمۡ صَـٰدِقِینَ﴾؟ هي القيامة دي ميعادها إمتى لو كلامكم صح؟!

فبيجي الرد الحاسم: ﴿قُلۡ إِنَّمَا ٱلۡعِلۡمُ عِندَ ٱللَّهِ وَإِنَّمَاۤ أَنَا۠ نَذِیرࣱ مُّبِینࣱ﴾ الميعاد ده غيب عند "الملك" وحده، ومهمة النبي ﷺ هي "الإنذار المبين" يعني يوضح لكم الخطورة بس.

وفي الآخر، ربنا بيصورلنا لحظة "الصدمة" اللي مفيش بعدها رجوع: ﴿فَلَمَّا رَأَوۡهُ زُلۡفَةࣰ سِیۤـَٔتۡ وُجُوهُ ٱلَّذِینَ كَفَرُوا۟﴾ أول ما يشوفوا العذاب بقى حقيقة قدام عينيهم؛ وجوههم هيبقى لونها أسود من الرعب والخزي!
وهيتقال لهم بتوبيخ: ﴿هَـٰذَا ٱلَّذِی كُنتُم بِهِۦ تَدَّعُونَ﴾ ده اللي كنتم بتطلبوه وتستعجلوه وتقولوا إمتى هيحصل!

⚠️ فخلي بالك ⬅️ الذكي هو اللي يستعد لليوم ده قبل ما يشوفه؛ عشان وشه وقتها يكون منور بفضل الله ويكون بعيد عن الوشوش اللي "اسودّت" من الحسرة.

في المحطة دي شوفنا الفرق بين اللي ماشي في ضلمة واللي ماشي في نور..
والمحطة الجاية إن شاء الله هي مسك الختام مع سورة المُلك، وهنشوف فيها ردود قوية على اللي بيراهنوا على هلاك المؤمنين، وهنعرف إيه هو الرزق اللي لو راح مفيش قوة في الكون تقدر ترجعه!

#سورة_المُلك
#رحلة_مع_كلام_الله

السلام عليكم ورحمة الله وبركاته
صباح الخير يا شباب

عمرك رحت لدكتور، وكتبلك روشتة علاج، وبعدين رجعت حطيتها في الدرج، وكل يوم تبص عليها من غير ما تاخد الدوا؟!

غالبًا لأ..
طب ليه بنعمل كده أحيانًا مع القرآن؟
ربنا سبحانه وتعالى قال: ﴿يَا أَيُّهَا النَّاسُ قَدْ جَاءَتْكُمْ مَوْعِظَةٌ مِنْ رَبِّكُمْ وَشِفَاءٌ لِمَا فِي الصُّدُورِ...﴾

القرآن شفاء لما في صدورنا..
لكن الشفاء مش بمجرد إن المصحف موجود في بيتنا، ولا بمجرد إننا نقرأه بسرعة عشان نخلص الوِرد!

الشفاء يبدأ لما الآية تدخل قلبك..
لما تلاقي آية تهوّن عليك حزنك، وآية تهدي خوفك، وآية تفوّقك من غفلتك، وآية تعالج حاجة جواك محدش أصلًا عارف عنها حاجة..

فلو قلبك تعبان ومستنزف؛ افتح مصحفك، واقرأ بتدبر..
يمكن الدواء اللي بتدور عليه موجود قدامك في آية.